Dla minskich čarhavikoŭ u haradach-spadarožnikach kredyt budzie 1%

Minskim čarhavikam, jakija budujuć žyllo ŭ haradach-spadarožnikach, płanujecca vydavać ilhotnyja kredyty pad staŭku 1% na 40 hadoŭ. Pra heta na pres-kanfierencyi ŭ Minsku 23 lutaha paviedamiŭ namieśnik staršyni Minharvykankama Siarhiej Radaman.

«Prapracoŭvajecca pytańnie ab źmienie ŭmoŭ kredytavańnia čarhavikoŭ, jakija stajać na ŭliku hramadzian, što majuć patrebu u palapšeńni žyllovych umoŭ, u Minsku, z metaj pryraŭnavać ich z umovami davańnia kredytaŭ u tych nasielenych punktach, jakija stanuć haradami-spadarožnikami. Kali ŭ Minsku kredyt dla tych, chto maje patrebu, vydajecca pad staŭku 5% na 20 hadoŭ, to ŭ hetych nasielenych punktach — pad 1% na 40 hadoŭ», — paviedamiŭ Radaman.

Jon padkreśliŭ, što heta robicca dla stvareńnia pryvabnych umoŭ pa budaŭnictvie žyćcia ŭ haradach-spadarožnikach. Pavodle słoŭ namieśnika staršyni Minharvykankama, siarod tych, chto maje patrebu, było praviedziena apytańnie na pradmiet ich žadańnia budavać žyllo ŭ pryharadzie stalicy. Apytanymi byli vykazany supiarečlivyja mierkavańni adnosna pierśpiektyŭ žyć u haradach-spadarožnikach.

«Tamu, nie stvaryŭšy bolš ilhotnych umoŭ dla budaŭnictva, my nie pryciahniem ludziej u harady-spadarožniki», — padkreśliŭ Radaman.

Jon adznačyŭ, što Minharvykankam užo ŭnios prapanovu ab źmienie ŭmoŭ kredytavańnia ŭ Minbudarchitektury. Taksama heta pytańnie ŭžo abmiarkoŭvałasia na adnoj z narad va ŭradzie.

Jon zhadziŭsia, što novyja ŭmovy kredytavańnia stanuć dadatkovaj nahruzkaj na biudžet pa kampiensacyi pracentnych stavak, suprać čaho, vierahodna, vystupić Ministerstva finansaŭ. «Ale my budziem pracavać, kab da leta hetaha hoda atrymać vynik, chacia b uzhadnieńnie, i ŭnieści prajekt na razhlad kiraŭniku dziaržavy», — paviedamiŭ Radaman.

Jon nahadaŭ, što ŭ cełym realizacyju prahramy pa budaŭnictvie bujnych žyłych rajonaŭ dla minčan płanujecca pravieści ŭ dva etapy — u 2011–2015 i 2016–2020 hadach.

Haradami-spadarožnikami

Užo sioleta ŭ Smalavičach płanujecca pačać budaŭnictva pieršaha doma dla žycharoŭ stalicy, jakija majuć patrebu. Usiaho ŭ Smalavičach płanujecca pabudavać žyllo dla 60 tysiač čałaviek. Miarkujecca, što 15 tysiač čałaviek zmohuć atrymać ziamielnyja ŭčastki i pabudavać pryblizna 5 tysiač katedžaŭ, jašče 45 tysiačam čałaviek buduć prapanavany damy šmatpaviarchovaj zabudovy.

Sioleta na realizacyju prahramy płanujecca nakiravać prykładna 17 młrd. rubloŭ.

• 0
• 0
• 0
• 0
• 0
• 0
• 0
• 0