Łukašenka supakojvaje milicyjantaŭ: Razam my źbierahli Ajčynu ad biesparadku
Alaksandr Łukašenka pavinšavaŭ supracoŭnikaŭ orhanaŭ unutranych spraŭ i vieteranaŭ z Dniom milicyi. «Razam my zachavali i ŭmacavali mir i stabilnaść, źbierahli Ajčynu ad biesparadku i biezzakońnia, — piša jon. — Biełaruskija hramadzianie ŭpeŭnieny, što zaŭsiody znojduć u vas dapamohu i padtrymku».
Voś poŭny tekst vinšavańnia:
«Tavaryšy aficery i hienierały, pavažanyja supracoŭniki
orhanaŭ unutranych spraŭ, darahija vieterany!
Ad usioj dušy vinšuju vas z cudoŭnym śviatam — Dniom milicyi.
Suvierenitet, sapraŭdnaja niezaležnaść dziaržavy zabiaśpiečvajucca spakojnaj i ŭpartaj pracaj naroda. Žyćcio kožnaha čałavieka nieadździelnaje ad žyćcia krainy.
Vaša samaaddanaść, vysokaja miera adkaznaści i prafiesijanalizm vyznačajuć hatoŭnaść orhanaŭ unutranych spraŭ efiektyŭna zabiaśpiečvać pravaparadak i hramadskuju biaśpieku, realna abaraniać majomasnyja i sacyjalnyja pravy hramadzian, harantavanyja Kanstytucyjaj Respubliki Biełaruś.
Razam my zachavali i ŭmacavali mir i stabilnaść, źbierahli Ajčynu ad biesparadku i biezzakonnaści. Vaša siła — u jadnańni z narodam. Biełaruskija hramadzianie ŭpeŭnieny, što zaŭsiody znojduć u vas dapamohu i padtrymku.
Dziaržava i hramadstva vysoka ceniać vašu pracu, addanaść Ajčynie, viernaść abaviazku i zakonu. Apraŭdać hety davier — vaša hałoŭnaja zadača.
Dziakuj za słužbu Radzimie. Novych vam pośpiechaŭ u vašaj adkaznaj dziejnaści ŭ imia praćvitańnia Respubliki Biełaruś. Mocnaha zdaroŭja, ščaścia i dabrabytu vam i vašym blizkim.
Alaksandr Łukašenka».
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam19
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj
Kamientary