Raniej pra pačatak naziemnaj apieracyi paviedamiŭ telekanał Fox News.
Barak Abama ŭ subotu ŭ tradycyjnym štotydniovym zvarocie da svajho narodu zajaviŭ, što ZŠA nie pačynali suchaputnuju apieracyju ŭ Livii suprać ich lidara Muamara Kadafi.
«Jak viarchoŭny hałoŭnakamandujučy
ja nie baču bolš składanaha rašeńnia, čym pasłać našych vajskoŭcaŭ pa šlachu poŭnaha strat. ZŠA nie pavinny i nie buduć ŭmiešvacca kožny raz, kali ŭ niejkaj častcy śvietu adbyvajecca kanflikt…U samym pačatku ja paabiacaŭ, što rola našych uzbrojenych sił budzie abmiežavanaj. My nie ŭvodzim suchaputnyja siły ŭ Liviju, našy vajskoŭcy zabiaśpiečyli mahčymaść apieracyi kaalicyi ŭ samym jaje pačatku, ale ciapier nastaŭ čas bolš šyrokich mižnarodnych namahańniaŭ», — cytuje RIA «Naviny» Abamu.
U piatnicu ŭviečary RIA «Naviny» sa spasyłkaj na krynicu ŭ rasijskaj vyviedcy paviedamiła, što mižnarodnaja kaalicyja aktyŭna raspracoŭvaje płan naziemnaj apieracyi na terytoryi Livii.
U subotu amierykanskaja telekampanija Fox News paviedamiła, što ZŠA ŭžo pačali naziemnuju apieracyju.
Pieršapačatkova ZŠA ŭznačalili vajennuju apieracyju ŭ Livii, jakaja nazyvałasia «Adysieja. Śvitańnie».
Praź niekatory čas Štaty stali aktyŭna šukać šlachi pieradačy kamandavańnia. Napiaredadni kamandavańnie było pieradadziena NATO na čale z kanadskim hienierałam.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary