Google pastupova dadaje ŭ svaje servisy funkcyi sacsietak

Kampanija Google praciahvaje ŭkaraniać u svaje servisy niekatoryja funkcyi, charakternyja dla sacyjalnych sietak. Apošnim takim novaŭviadzieńniem stała knopka «+1» u vynikach pošuku.

Knopka «+1», skapijavanaja z papularnaha ŭ błohieraŭ tekstavaha kamientara, aznačaje padtrymku vykazvańnia inšaha ŭdzielnika abmierkavańnia i pryznačanaja dla palahčeńnia pošuku patrebnaj infarmacyi dziakujučy rekamiendacyjam inšych karystalnikaŭ. Tak, kali karystalnik paličyć, što atrymany ŭ vynikach pošuku sajt źmiaščaje infarmacyju, jakaja moža być karysnaja i dla inšych ludziej, jon moža nacisnuć knopku «+1», kab parekamiendavać hety sajt.

U dalejšym, kali inšyja karystalniki buduć šukać tuju ž infarmacyju, jany ŭbačać, što dadzieny sajt paznačany jak karysny. Akramia taho, dla inšaha karystalnika moža być dastupny kamientar pra sajt, pakinuty pieršym karystalnikam.

Vyniki naciskańnia knopki «+1» buduć uličvacca pry vyznačeńni relevantnaści i ranžyravańnia staronak u vynikach pošuku.

Akramia taho, «+1» moža prymianiacca nie tolki ŭ vynikach pošuku, ale i dla rekłamnych abjaŭ. U chutkim časie Google abiacaje realizavać mahčymaść raźmiaščeńnia «+1» na inšych sajtach (adpaviednaja mahčymaść budzie dastupnaja dla veb-majstroŭ). Takim čynam karystalniki zmohuć rekamiendavać upadabanyja materyjały, znachodziačysia niepasredna na sajcie.

Miž tym, čutki pra nibyta pryznačany na sakavik zapusk ułasnaj sacyjalnaj sietki Google, jakaja pavinnaja stać kankurentam Facebook, znoŭ nie paćvierdzilisia.

U siaredzinie sakavika niekatoryja ŚMI abiacali maštabnuju prezientacyju novaha prajektu. U Google spačatku admaŭlali fakt padrychtoŭki takoj prezientacyi, a potym uvohule zajavili, što nijakaha sacyjalnaha servisu kampanija nie raspracoŭvaje.

Mahčyma kampanija viała takija pracy, ale spyniła ich, adnak čutki ab takoj raspracoŭcy praciahvajuć pakidać ścieny kampanii i niapravilna interpretavacca. Mahčyma, pracy pa-raniejšamu viaducca, ale kampanija, jak heta šyroka praktykujecca, admaŭlajecca kamientavać padrabiaznaści.

Paźniej źjavilisia źviestki ab tym, što zamiest kankurenta Facebook chutka źjavicca servis, dzie karystalniki zmohuć pakidać fota, videa i kamientary. Asnoŭny nibyta akcent budzie zrobleny na tym, što dostup da kantentu buduć atrymlivać tolki siabry i blizkija znajomyja karystalnika.

• 0
• 0
• 0
• 0
• 0
• 0
• 0
• 0