Infarmacyja, atrymanyja pryładaj videafiksacyi, pieradajecca na susiedni punkt inśpiekcyi.
DAI pravodzić ekśpierymient, zaklikany źmienšyć kolkaść avaryj, jakija źviazanyja ź pieravyšeńniem chutkaści. Inśpiektary vykarystoŭvajuć vymiaralniki chutkaści ź videafiksacyjaj «Arena» i aŭtamatyzavany kompleks «Aŭtaŭrahan». Infarmacyja pieradajecca pa technałohii GPRS.
Prybor «Arena» vystaŭlajuć na avaryjnych učastkach daroh va ŭtojenym režymie.
Fota z zafiksavanym parušeńniem chutkaści, manieŭravańnia, vyjezdu na sustrečnuju pałasu pieradajucca na mabilny punkt inśpiekcyi, raźmieščany ŭ 30–50 kiłamietrach ad miesca dziejańnia «Areny».
Adnačasova praz kompleks «Aŭtaŭrahan» inśpiektary atrymlivajuć patrebnuju infarmacyju pra aŭtamabil parušalnika: ci nie ŭhanan jon, zhonie, ci zatrymoŭvalisia na im asoby biez paśviedčańnia kiroŭcy i hetak dalej. U vyniku inśpiektar spynić mienavita parušalnika.
Ekśpierymient prachodziŭ na darohach Homielščyny. Jak zapeŭnivajuć supracoŭniki DAI, usiaho niekalki inśpiektaraŭ za čatyry hadziny pracy vyjavili 140 pieravyšeńniaŭ chutkaści.
U bližejšyja vychodnyja novaja technałohija budzie adpracavana na darohach usich rehijonaŭ krainy.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary