8 krasavika ŭ kvatery byłoha kandydata na prezydenta Andreja Sańnikava i žurnalistki Iryny Chalip KDB pravioŭ čarhovy pieratrus.Pra heta paviedamiła maci žurnalistki Lucyna Bialzackaja.
«Kolki razoŭ jany tut užo byli, što jašče možna znajści? Pavodle našych padlikaŭ, heta treci pieratrus tolki KDB, a jašče byŭ milicejski. Mieniej za hadzinu jany niešta šukali, kaža Iryna. Ale mianie tady nie było, padrabiaznaściaŭ nia viedaju».
Pavodle Lucyny Bialzackaj, padčas pieratrusu ŭ chacie nie było i trochhadovaha Danika. Adnak raniej jamu davodziłasia prysutničać pry takich dziejańniach supracoŭnikaŭ KDB. «Siadzieŭ nie varuchnuŭšysia, moŭčki», — zhadvała Danikava babula.
Čym patłumačyli supracoŭniki KDB nieabchodnaść jašče adnaho pieratrusu ŭ kvatery Sańnikva i Chalip, Lucyna Bialzackaja nia viedaje. 7 krasavika Iryna skončyła aznajamleńnie z spravaj, u jakoj jana fihuruje jak arhanizatar dziejańniaŭ, jakija hruba parušajuć hramadzki paradak.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary