Siarhiej Kavaloŭ prezientavaŭ u Minsku zbornik pjes «Siostry Psichiei».
U jaho ŭvajšli prypavieść «Siostry Psichiei», niehistaryčnaja pjesa «Pan Tvardoŭski», pjesa «Intymny dziońnik» i fantasmahoryja «Viartańnie Haładara». Usie tvory byli pastaŭleny na scenach biełaruskich teatraŭ, a niekatoryja i za miažoj.
«Siońnia biełaruskaja teatralnaja publika ćviorda pierakananaja, što nacyjanalnaja dramaturhija — heta vyklučna žanr histaryčnaj dramy, a dakładniej jaho prafanacyja — biaskoncy luboŭny sieryjał u histaryčnych kaściumach i z patryjatyčnymi łozunhami», — adznačyŭ aŭtar u pradmovie da zbornika.
Kavaloŭ daŭ sabie słova bolš nie pisać histaryjanyja dramy.
I chacia hieroi jaho novych tvoraŭ časta — piersanažy ź minuŭščyny, ale aŭtar źviartajecca da pobytavych aśpiektaŭ ź ich žyćcia.
«Dramaturh, jaki piša ŭ Biełarusi na biełaruskaj movie, niaŭmolna apynajecca na terytoryi moŭnaha muzieja-zapaviednika»,
— upeŭnieny Siarhiej Kavaloŭ. Ale praciahvaje pisać pa-biełarusku, vydavać zborniki pjes na rodnaj movie i pa-nasku staviać jaho pjesy teatry.
Siarhiej Kavaloŭ — doktar fiłałohii, dramaturh. Naradziŭsia ŭ 1963 hodzie ŭ Mahilovie. Skončyŭ fiłfak BDU. Ciapier žyvie ŭ Lublinie, dzie vykładaje biełaruskuju litaraturu va ŭniviersitecie imia M. Składoŭskaj-Kiury. Aŭtar šerahu krytyčnych zbornikaŭ i navukovych manahrafij. Napisaŭ zvyš 20 pjes («Stomleny djabał», «Taras na Parnasie», «Čatyry historyi Sałamiei», «Franciška, abo Navuka kachańnia»). Pjesy stavilisia ŭ Biełarusi, Ukrainie, Rasii, Polščy, Słavakii.
Siostry Psichiei / Siarhiej Kavaloŭ; Pjesy. — Minsk: I. P. Łohvinaŭ, 2011. — 220 s.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary