Nacbank daručyŭ «Biełarusbanku» stvaryć čarhu na valutu.
Nacyjanalny bank Biełarusi (NBB) daručyŭ najbujniejšamu biełaruskamu banku AAT «AAB Biełarusbank» pradavać fizasobam najaŭnuju zamiežnuju valutu na sacyjalnyja mety,paviedamiŭ ahienctvu
«Nacyjanalny bank 27 krasavika nakiravaŭ u Biełarusbank list, u adpaviednaści ź jakim hetamu banku dazvolena adrazu nie pradavać nabytuju na pamiežpierachodach zamiežnuju valutu. Dadzienyja valutnyja srodki buduć kancentravacca i nakiroŭvacca na sacyjalna značnyja vydatki našych hramadzian za miažoj: na lačeńnie, apłatu navučańnia i pražyvańnie studentaŭ, vyjezd u suviazi z chvarobaj abo śmierciu svajakoŭ i inšyja mety», — skazaŭ A. Drazdoŭ. «Valuta na hetyja mety pavinnaja pradavacca hramadzianam na padstavie ich zajavaŭ. Peŭny paradak prodažu valuty, u miežach dadzienaha rasparadžeńnia, Biełarusbank vyznačyć samastojna», — dadaŭ jon.
U Biełarusbanku ahienctvu paćvierdzili, što ciapier viadziecca padrychtoŭka adpaviednaha narmatyŭnaha aktu banka.
Pa słovach pradstaŭnika banka, miarkujecca, što buduć vyznačanyja dakładnyja krytery prodažu najaŭnaj zamiežnaj valuty na sacyjalna značnyja patreby. Pry hetym farmuloŭki «i inšyja mety» ŭ dakumiencie nie budzie.
Bank taksama nie płanuje ŭstaloŭvać limity prodažu ŭ zaležnaści ad vidu metaŭ nabyćcia valuty. Zajaŭki buduć razhladacca ŭ paradku čarhovaści i ich zadavalnieńnie budzie ažyćciaŭlacca zychodziačy z najaŭnaha abjomu srodkaŭ dla prodažu.
Asnoŭnym kryteram padčas pryniaćcia rašeńnia ab prodažy najaŭnaj valuty stanie abhruntavanaść i dakładnaść pradstaŭlenych zajaŭnikam dakumientaŭ.U banku taksama zajaŭlajuć, što padčas pryniaćcia rašeńniaŭ buduć kiravacca vyraznymi jurydyčnymi aznačeńniami, naprykład, pry zajaŭcy na vyjezd u suviazi ź ciažkaj chvarobaj svajakoŭ. «Pry nasmarku zamiežnych svajakoŭ, viadoma, zajaŭka zadavalniacca nie budzie. Padstavaj dla kupli valuty ŭ Biełarusbanku, u pryvatnaści, stanie mienavita ciažkaja chvaroba svajakoŭ, pad hetaje aznačeńnie jurydyčna traplaje dakładny pieralik dyjahnazaŭ», — skazaŭ pradstaŭnik banka.
Pavodle jaho słovaŭ, kančatkovaje rašeńnie ab pazačarhovym prodažy najaŭnaj zamiežnaj valuty na padstavie padadzienych zajavaŭ budzie prymacca kalehijalna na pasiedžańni finansavaha kamiteta Biełarusbanka.
U banku taksama paviedamili, što zajaŭku na pazačarhovuju kuplu valuty pa kursie, jaki nie bolš čym na 2% pieravyšaje aficyjny kurs Nacbanka, možna budzie padać i ŭ rehijanalnych adździaleńniach Biełarusbanka, ale rašeńnie budzie prymacca centralnym aparatam banka.
Na pamiežpierachodach raźmieščana 29 abmieńnikaŭ Biełarusbanka.
Načalnik milicyi Brahina stralaŭ u svaju žonku. Jana cudam vyžyła9
Kamientary