Atroščankaŭ: U kałonii «Narodnuju Volu» i «Našu Nivu» čytajuć ad korki da korki
«U kałonii „Narodnuju volu“ i „Našu Nivu“ čytajuć ad korki da korki. I pahroza zakryćcia hetych haziet vyklikaje abureńnie», — raspavioŭ viazień sumleńnia Alaksandr Atroščankaŭ svajoj žoncy Darji.
Jak raspaviała Darja charter97.org, u kałoniju ich prapuścili kala 10 ranicy, praviali pa terytoryi, pakazali ŭmovy ŭtrymańnia i dazvolili sustrecca z palitviaźniem. U Alaksandra na ŭmovy ŭtrymańnia skarhaŭ niama.
«Nas zaviali ŭ stałovuju, dali pasprabavać toje, čym kormiać źniavolenych. Skazali, heta zvyčajny nabor — byŭ harochavy sup, bulba ź miasam i kisiel. U ich atrad z 120 čałaviek, žyvuć u 4 pakojach — pa 30 ŭ kožnaj, łožki stajać u dva jarusy, Saša kala akna śpić, a z akna bačnaja carkva», — dzielicca ŭražańniami Darja. «Heta, viadoma, nie pijanierłahier, kałonija, ale Saša nie skardzicca, badziory, žartuje».
«Kaža, što zeki „Narodnuju volu“ i „Našu Nivu“ čytajuć ad korki da korki. Tam pačućci abvostranyja, jany sočać za ŭsimi navinami, čytajuć pamiž radkoŭ, tamu niezaležnyja haziety ŭ pašanie», — raspaviadaje Darja. «A jašče Sašu prychodzić šmat listoŭ. Pišuć znajomyja, ale 80% listoŭ ad nieznajomych ludziej. Heta vializnaja padtrymka i Saša prasiŭ pieradać vialiki dziakuj usim».
Kamientary