Viazień kałonii ŭ Navapołacku Mikita Lichavid pakarany karcaram za toje, što ŭ kałonii nazyvaje siabie niezakonna asudžanym i admaŭlajecca vykonvać niekatoryja pracy, jakich ad jaho patrabuje administracyja. Pra heta paviedamiła maci palitviaźnia sa spasyłkaj na list, atrymany z kałonii.
«Bolš źviestak pra jaho nie majem. Viedajem, što pakarali karcaram na 10 sutak», — paviedamiła Alena Lichavid.
Aktyvista Ruchu «Za Svabodu» Mikitu Lichavida sudździa Natalla Pykina z Partyzanskaha suda Minska asudziła na 3,5 hoda źniavoleńnia za ŭdzieł u masavych biesparadkach 19 śniežnia. Minski haradski sud pakinuŭ prysud aktyvistu bieź źmieny. Mikita Lichavid vinavatym siabie nie pryznaŭ i ŭ apošnim słovie zajaviŭ, što budzie zmahacca za admienu prysudu.
Kamientary