A.Łukašenka: Anhielskuju movu treba viedać, ale treba viedać i svaju rodnuju, biełaruskuju
Prezydent Biełarusi siońnia zajaviŭ, što jaho naściarožvaje sytuacyja z navučańniem u siarednich škołach. Na naradzie z členami Respublikanskaha savieta rektaraŭ vyšejšych navučalnych ustanoŭ Alaksandar Łukašenka ŭźniaŭ pytańnie pra toje, nakolki školnyja prahramy źjaŭlajucca aptymalnymi.
Pavodle słoŭ kiraŭnika dziaržavy, pakul nia pozna, nieabchodna «spynicca abo nieadkładna pierapracavać prahramy, jakija siońnia isnujuć u škole».
«Ja daviaraju ministru adukacyi, ale ŭsio bolš sumniavajusia ŭ jaho abjektyŭnaści, kali jon infarmuje mianie pa tych abo inšych pytańniach, - skazaŭ prezident. - Niadaŭna ja pastaviŭ pierad Ministerstvam adukacyi dakładnaje pytańnie: što adbyvajecca ŭ našaj škole? Ci nie vielmi składanymi źjaŭlajucca dla dziaciej školnyja prahramy? Mianie ministar pierakonvaje, što školnaja prahrama — narmalnaja, jaje dzieci prosta asvojvajuć. Ale ja viedaju dziaciej, jakija vydatna zajmajucca ŭ škole, ale i jany »stohnuć«. A što havaryć pra dziaciej siaredniaha i nižejšaha za siaredni ŭzroŭniu. Jany, nie asvojvajučy prahramu, prosta apuskajuć ruki i płyvuć pa ciačeńni. Mnohija baćki mianie infarmujuć ab tym, što niemahčyma vučycca ŭ škole. Dzicia pieratvaryłasia ŭ prydatak kamputara. Kali ja zadaju pytańnie ministru, to atrymlivaju adkaz: usio narmalna. Z hramadztva atrymlivaju syhnały, što nie narmalna. Mianie heta naściarožvaje».
Alaksandar Łukašenka taksama ličyć nienarmalnaj sytuacyju, kali ŭ asobnych himnazijach praktykujuć «adzin urok biełaruskaj movy ŭ tydzień i šeść urokaŭ anhielskaj». «Anhielskuju movu treba viedać, ale treba viedać i svaju rodnuju movu», — dadaŭ kiraŭnik dziaržavy.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary