Capkała: Dziejańni ŭładaŭ stali pryčynaj faktyčnaha defołtu
Dyrektar Parka vysokich technałohij iznoŭ vystupiŭ sa źniščalnaj krytykaj ekanamičnaj palityki krainy.
Ja nie vieru ŭ toje, što pryčynaj faktyčnaha defołtu nacyjanalnaj valuty stała toje, što Nacbank staŭ drukavać biełaruskija rubli jak «fanciki»... Kali heta tak, toje heta vychodzić za miežy ekanamičnaha analizu (rublovaja emisija moža pavialičvacca tolki praparcyjna rostu VNP), i pierachodzić u śfieru kryminalistyki.
...Prosta Nacbank nieŭśviadomlena ŭklučyŭ śpiekulatyŭny miechanizm.Jon pasprabavaŭ svaimi dziejańniami schavać realnaje stanovišča spraŭ u bankaŭskaj śfiery, ŭvodziačy biznes supolnaść i nasielnictva ŭ niaviedańnie adnosna svaich dziejańniaŭ i namieraŭ.
Nasamreč – ludzi ŭ nas zvyčajnyja. Jany ŭsio vydatna razumiejuć. Kali b im sumlenna skazali pra situacyju, nie spynialisia b pradpryjemstvy, nie ŭźnik by deficyt valuty. Tak, devalvacyja mieła b miesca. Niezaroblenyja krainaj hrošy (składskija zapasy + kredyt MVF składaje 5 miljardaŭ) składajuć 10% ad VUP (52 miljardy) – hrošaj, zaroblenych krainaj. U hetym vypadku
devalvacyja nie pavinna pieravysić 10%.Ale niezaroblenyja nami hrošy byli hałoŭnym čynam vydatkavany na nabyćcio impartnych tavaraŭ (heta značyć za valutu). Takim čynam, kali navat ličyć ad abjomu ekspartu, jaki skłaŭ 25 miljardaŭ dalaraŭ, to maksimalny adsotak inflacyi pavinien by składać 20%.
Takim čynam, navat niahledziačy na ŭsie stratehičnyja praliki raniejšaha ŭrada, maksimalny kurs dalara pavinien byŭ siońnia składać 3600-3800 biełaruskich rubloŭ. Ale ciapier dalar staŭ ekvivalentny 5 tysiačam rubloŭ.
Spadziajusia, što ŭ samy blizki čas Nacbank rastłumačyć, adkul źjaviŭsia taki kurs, jakija byli matyvy ŭ arhanizacyi valutnych śpiekulacyj, pačynajučy ad pryvilejaŭ niejkim śpiecimparcioram i skančajučy faktyčnym spustašeńniem i abiasceńvańniem aktyvaŭ tysiač biełaruskich pradpryjemstvaŭ.
Tekst całkam - http://tsepkalo.livejournal.com/40853.html
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary