Labiedźka: «Dyjałoh pamiž apazicyjaj i ŭładaj mahčymy tolki paśla vyzvaleńnia palitviaźniaŭ»
Ab šyrokim palityčnym dyjałohu pamiž apazicyjaj i ŭładaj nie moža być i havorki, pakul u krainie zastajucca palitviaźni. Ab hetym «Narodnaj Voli» zajaviŭ staršynia AHP Anatol Labiedźka, kamientujučy prapanovu Uładzimira Niaklajeva pravieści dyjałoh apazicyi z uładaj.
— Inšaja sprava, što z uładaj zaraz možna vieści pieramovy pa kankretnych pytańniach. Naprykład, Abjadnanaja hramadzianskaja partyja pieradaść va Urad svaju antykryzisnuju prahramu. Kali Urad jaje nie prymie, my budziem vystupać za jaho adstaŭku ŭ poŭnym składzie. Razumiejecie, temy dla dyjałoha pavinny być kankretnymi, a ni razmovy «ni pra što i pra ničoha».
Takich tem zaraz ja baču, prynamsi, try: ekanamičnaja situacyja ŭ krainie i šlachi vyjścia ź jaje, umovy praviadzieńnia vybarčych kampanij, z tym kab nie paŭtaryłasia toje, što było ŭ Biełarusi 19 śniežnia minułaha hoda, i prypynieńnie sudovaha pieraśledu palityčnych apanientaŭ i niezaležnych ŚMI. Bieź pieramoŭ pa hetych pytańniach u krainie nie ŭdascca zvarušyć ničoha.
Adznačym, što i Niaklajeŭ taksama vystupaje za chutčejšaje vyzvaleńnie palityčnych viaźniaŭ u Biełarusi.
Minčanka vybiła piarednija zuby na samakacie, straciła praz heta muža, ale ciapier źbiraje miljony prahladaŭ u tyktoku9
Kamientary