86-hadovuju piensijanierku ŭ Hiermanii vysialajuć z doma. Susiedzi danieśli, što jana karmiła ptušak
Barbara Frejdenbierh užo 58 hadoŭ žyvie ŭ adnapakajovaj kvatery ŭ panelnym domie ŭ Drezdenie. Jana zastałasia adna z koškaj Łunaj, piša Bild.
«Być adnoj niadobra. Tamu ja karmiła ptušak, — kaža niemka. — Ptušački dastaŭlali mnie šmat radaści, ja nie chacieła nikoha chvalavać».
Z maja 2020 hoda piensijanierka stała atrymlivać piśmovyja «papiaredžańni z-za niebiaśpieki dla ŭsich žycharoŭ doma». Chtości z susiedziaŭ staŭ składać padrabiaznyja skarhi z pratakołam nazirańnia za tym, jak žančyna raskidvała korm dla ptušak na łužku pierad domam. Byli paznačany data, čas i vyhlad kormu.
Ananim abvinavaciŭ Barbaru ŭ tym, što karmleńnie ptušak zabaroniena praviłami ŭnutranaha rasparadku doma i pryvodzić da našeścia pacukoŭ. Žančyna hatovaja była admovicca ad chobi, ale žyllovy kaapieratyŭ dasłaŭ joj apaviaščeńnie ab vysialeńni i padaŭ adpaviednaje chadajnictva ŭ sud.
«Napeŭna, ja b akazałasia ŭ prytułku dla biazdomnych. Ja była napałochanaja da varjactva», — kaža Barbara.
Jana patraciła častku źbieražeńniaŭ na advakataŭ, kab abaranić siabie. U vyniku za dva dni da vysialeńnia sud pastanaviŭ adkłaści jaho da kanca hoda praz pahrozu zdaroŭju piensijanierki. Joj taksama zahadali bolš nie karmić ptušak.
Kamientary