Kudryn: pieršy tranš budzie pieraličany, dalejšaje kredytavańnie — pad pytańniem.
Ministerstva ekanamičnaha raźvićcia Rasii moža vystupić za pierahlad kredytnaha supracoŭnictva ź Biełaruśsiu, kali pazicyja aficyjnaha Minska pa abmiežavańni impartu nie źmienicca. Ab hetym zajaviŭ žurnalistam namieśnik ministra ekanamičnaha raźvićcia RF Andrej Ślapnioŭ 18 červienia ŭ
«My nakiravali im (Biełarusi. — BiełaPAN.) zapyt na aficyjnyja kansultacyi, bo miery, jakija ciapier prymajucca pa abmiežavańni kredytavańnia, abmiežavańni na nabyćcio valuty, pa abmiežavańni pryvatnych pradprymalnikaŭ, jakija zakuplajuć rasijskija kamplektujučyja, — heta najhrubiejšym čynam parušaje tyja damovy, jakich my dasiahnuli ŭ ramkach Mytnaha sajuza i zony svabodnaha handlu, i toje, što płanujecca z 1 studzienia (majecca na ŭvazie funkcyjanavańnie Adzinaj ekanamičnaj prastory. — BiełaPAN.)».
Praź niekalki hadzin rasijskuju pazicyju adkamientavaŭ ministr finansaŭ RF Alaksiej Kudryn. Pavodle jaho słovaŭ, pytańnie ab admovie vypłačvać Biełarusi pieršy tranš kredytu Antykryzisnaha fondu JeŭrAzES nie staić. Adnak Rasieja moža ŭličyć prablemu abmiežavańnia impartu pry dalejšym kredytavańni Minska, dadaŭ jon.
«Zabarona impartu Biełaruśsiu uvachodzić u supiarečnaść z Mytnym sajuzam, ale ŭ dadzienym vypadku nie traplaje pad umovy kredytu, ale nie vyklučana, što my možam uźniać takoje pytańnie, kali heta budzie istotna abmiažoŭvać handal z Rasijaj», — adznačyŭ Kudryn.
Kiraŭnik Minfina nahadaŭ, što ŭmovy vydačy Biełarusi kredytu vyznačanyja na try hady napierad. Ciapier, pavodle jaho słoŭ, u Maskvie čakajuć «paćvierdžańnia pa vykanańni šerahu papiarednich umoŭ».
Pahadnieńnie ab vydzialeńni Biełarusi stabilizacyjnaha kredytu ŭ 3 młrd dalaraŭ z Antykryzisnaha fondu JeŭrAzES, bolš za pałovu kapitału jakoha sfarmiravana za košt uznosu Rasii, było padpisana ŭ červieni ŭ Minsku. Rasijski bok zapeŭnivaŭ, što pieršy tranš kredytu — 800 młn. dalaraŭ — pastupić u Biełaruś užo ŭ červieni.
Kamientary