Kozik ličyć Antykryzisnuju prahramu AHP šmatpłanavaj i pierśpiektyŭnaj
Fiederacyja prafsajuzaŭ Biełarusi ličyć, što Antykryzisnaja prahrama AHP prapanuje mahčymyja instrumienty i šlachi vychadu najaŭnaj ekanamičnaj situacyi ŭ respublicy, i mnohija jaje pałažeńni znojduć adlustravańnie ŭ pytańniach zbałansavanaha raźvićcia ekanomiki krainy.
Takaja acenka dadzienaja ŭ liście za podpisam staršyni FPB Leanida Kozika, jaki pryjšoŭ siońnia ranicaj u ofis AHP.
«Dziakujem Vam za pradstaŭlenuju mahčymaść aznajomicca z Antykryzisnaj prahramaj dla Biełarusi, jakaja nosić, na našu dumku, šmatpłanavy charaktar prapanavanych mieraŭ i akreślivaje mahčymyja instrumienty i šlachi vychadu z najaŭnaj ekanamičnaj situacyi ŭ respublicy, — havorycca ŭ liście. — Ličym, što mnohija pałažeńni prahramy ŭ budučyni znojduć svajo adlustravańnie ŭ pytańniach zbałansavanaha raźvićcia ekanomiki krainy».
Namieśnik staršyni AHP Leŭ Marholin ličyć taki adkaz pazityŭnym momantam.
«Fiederacyja prafsajuzaŭ, u adroźnieńnie ad urada i Administracyi prezidenta, davoli apieratyŭna adreahavała na Antykryzisnuju prahramu i, miarkujučy pa ŭsim, tam jaje navat pračytali, — adznačyŭ Leŭ Marholin. — Z asnoŭnymi pałažeńniami, vykładzienymi ŭ prahramie, sapraŭdy vielmi składana spračacca, tamu jany i nie spračajucca. Inšaja sprava — im praściej, tamu što nie im vykonvać hetuju prahramu i pierakonvać Łukašenku ŭ tym, što treba zrabić tak, a nie inakš. Tamu jany, ničoha nie stračvajučy, mohuć davać całkam vysokuju acenku Antykryzisnaj prahramie. Ale heta ŭžo sam pa sabie fakt. Raniej takoha nie było».
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ15
Kamientary