U sacyjalnych sietkach chočuć nazvać 29 červienia «Dniom Dziesiaci Tysiač»
Moładź poŭnaja entuzijazmu praciahvać «Viečary Apładysmientaŭ».
Moładź poŭnaja entuzijazmu praciahvać «Viečary Apładysmientaŭ».
Kolkaść internaŭtaŭ, jakija dałučylisia da hrupy «Revalucyja praz sacyjalnyja sietki», pieravysiła 10 500. U avatarcy supolnaści Vkontaktie «Revalucyja praz sacyjalnuju sietku» ścisnuty kułak i zaklik «Dapamažy blizkamu pieramahčy strach». U internecie takich halinak šmat jak u Vkontaktie, tak i ŭ Fejsbuku, Tvitary.
Tam iduć haračyja dyskusii — toje, čaho niama ŭ aficyjnych ŚMI i publičnym dyskursie i što tak vabić moładź. Chtości raskazvaje pra vopyt pratestaŭ ispanskich studentaŭ — aktualizavany ŭ kantekście razmovy Alaksandra Łukašenki z karalom Chuanam Karłasam I. Chtości vinšuje vypusknikoŭ vajskovych vučelniaŭ z vypuskam. Inšyja abmiarkoŭvajuć taktyku nastupnaj sierady.
Hučać roznyja prapanovy, u tym liku prapanova abvieścić jaje «Dniom Dziesiaci Tysiač». Aktyvisty spadziajucca, što takaja kolkaść udzielnikaŭ źbiarecca 29 červienia.
Minskaja milicyja acaniła kolkaść udzielnikaŭ niesankcyjanavanaj akcyi 22 červienia na 1500 čałaviek. Sami ŭdzielniki nazyvali bolšyja ličby.
U čatyroch dziasiatkach haradoŭ ludzi vychodziać na centralnyja płoščy kožnuju sieradu, a
Ideja takoj niezvyčajnaj formy pratestu naradziłasia ŭ sacyjalnych sietkach. Kali niechta vychodzić z łozunhami, jaho adrazu ž chapajuć.
Tamu internaŭty prydumali: prosta vychodzić i hulać. Pryčapicca niama da čaho. Dyj dla zdaroŭja karysna.
Zhodna z zadumaj inicyjataraŭ, ludzi źbirajucca na centralnych płoščach haradoŭ biez łozunhaŭ i ničoha nie skandujuć. Jany adno apładzirujuć čas ad času.
Heta adnačasova i patrabavańnie ekanamičnych i palityčnych pieramien u krainie, i pratest suprać niesvabody słova i niesvabody schodu ŭ Biełarusi.
Pieršyja akcyi ŚMI, u tym liku i «Naša Niva», navat nie zaŭvažyli. Zakliki na ich raspaŭsiudžvalisia tolki ŭ sacyjalnych sietkach, a vychodziła na płoščy para dziasiatkaŭ ludziej.
Adnak užo 15 červienia ŭ centr Minska vysypała stolki pratestoŭcaŭ, što napałochanyja ŭłady zakryli dla vychadu stancyi mietro «Kupałaŭskaja» i «Kastryčnickaja» i zabłakavali turnikietami płoščy Kastryčnickuju i Svabody. Usio marna: ludzi mirna viesialilisia na tratuarach.
Kadry ź Minska, kali ludzi prosta stajać na tratuarach i apładzirujuć, abyšli ŭsie telekanały.
22 červienia kolkaść ludziej na Płoščach vyrasła. Pryčym u Homieli, Breście i Hrodnie ličba ŭdzielnikaŭ taksama nabliziłasia da tysiačy čałaviek.
Ludzi vychodzili na płoščy tych haradoŭ, dzie hadami nie było nijakich akcyj pratestu. 22 červienia schody adbylisia ŭ takich haradach, jak Hancavičy, Staryja Darohi, Hłybokaje. 30 čałaviek vyjšli na Płošču navat u Biarozaŭcy Lidskaha rajona. «U Śvietłahorsku było prosta supier», «Dumaŭ, što ŭ Słucku budziem adny z žonkaj, a tak pryjemna było!», «U Žodzinie ŭžo choć niešta». Heta typovyja zapisy «Vkontaktie» ŭdzielnikaŭ hetych akcyj.
Pradstaŭniki ŭłady voziać
Ułady nazyvajuć hetyja schody «niesankcyjanavanymi», adnak im ciažka abvinavacić ludziej, jakija prosta hulajuć, u niečym kankretnym.
Paśla akcyi 22 červienia svaich prychilnikaŭ zaklikali dałučycca da Narodnych hulańniaŭ i lidary apazicyi. Anatol Labiedźka nazvaŭ nastupnuju sieradu «vyrašalnaj». «Kali ŭ nastupnuju sieradu vyjdzie jašče bolš ludziej, heta budzie aznačać, što biełarusy vyciskajuć pa kropli ź siabie strach», — skazaŭ jon.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»15
Kamientary