Spyniena pastaŭka rasijskaj elektraenierhii ŭ Biełaruś

Rasijskaje AAT «Inter RAO JEES» apoŭnačy 29 červienia spyniła ekspart elektraenierhii ŭ Biełaruś.

Pryčyna — adsutnaść čarhovaha płaciažu ŭ pamiery 600 młn. rubloŭ (21,3 młn. dalaraŭ ZŠA) dla pahašeńnia zapazyčanaści.

«Na 22.00 aŭtorka płaciož nie pastupiŭ. My paćviardžajem, što ŭ 00.00 29 červienia časova całkam abmiažoŭvajem pastaŭki elektraenierhii ŭ Biełaruś. Čakajem pastupleńnia płaciažu ŭ bližejšyja dni», — pryvodzić RIA «Naviny» słovy pradstaŭnika kampanii.

Urad Rasii čakaje, što Minsk pahasić zapazyčanaść za spažytuju elektraenierhiju ŭ chutkim časie i jaje pastaŭki ŭ krainu buduć ažyćciaŭlacca ŭ narmalnym režymie,

Jon zaznačyŭ, što doŭh Biełarusi za pastaŭki elektraenierhii ŭ sakaviku-mai składaje kala 1,2 młrd. rasijskich rubloŭ, i za červień moža ŭzraści jašče na 400 młn. rubloŭ.

Siečyn taksama paviedamiŭ, što pavodle źviestak na 24 červienia Biełaruś pieraličyła kampanii «Inter RAO JEES», jakaja ažyćciaŭlaje enierhapastaŭki, kala 8 młn. rubloŭ, abo 1,3% ad najaŭnaha doŭhu.

«Raźličvajem, što ŭ chutkim časie raźliki buduć praviedzienyja i pastaŭki adnoviacca», — cytuje Siečyna RIA Novosti.

Vice-premjer padkreśliŭ: abmiežavańnie pastavak elektraenierhii ŭ Biełaruś, jakoje płanujecca, nie maje palityčnaj padaploki — razmova idzie pra ŭzajemadziejańnie enierhietyčnych kampanij. Heta «absalutna rynačnyja pracesy: elektraenierhija pavinna być apłačanaja», dadaŭ Siečyn.

Jon zaŭvažyŭ, što abmiežavańnie pastavak elektraenierhii ŭ Biełaruś nie paŭpłyvaje na enierhabiaśpieku Kalininhradskaj vobłaści RF, a taksama nie adabjecca na enierhazabieśpiačeńni biełaruskich spažyŭcoŭ.

Nahadajem, kampanija «Inter RAO JEES» abviaściła, što ŭ noč na 29 červienia spyniaje pastaŭki elektraenierhii ŭ Biełaruś,

Prablemy z pastaŭkami ŭźnikli ŭ pačatku miesiaca z-za kryzisu na valutnym rynku.

«Biełenierha» sutyknułasia z prablemaj kanviertacyi valuty.

9 červienia kampanija «Inter RAO» abmiežavała pastaŭki z-za najaŭnaści zapazyčanaści. Z samaha pačatku poŭnaje spynieńnie pastavak u vypadku niepahašeńnia doŭhu płanavałasia na 22 červienia, adnak zatym było pryniataje rašeńnie pieranieści jaho na 27 červienia.

Pa vynikach pieramoŭ byŭ składzieny i padpisany hrafik płaciažoŭ, zhodna ź jakim Minsk abaviazaŭsia pahasić zapazyčanaść za rasijskuju elektraenierhiju da 5 lipienia. 13 červienia pastaŭki ŭ Biełaruś byli całkam adnoŭlenyja, a 15-ha — «Biełenierha» pieraličyła pieršy tranš płaciažu pa zapazyčanaści ŭ pamiery 600 młn. rasijskich rubloŭ, doŭh za sakavik.

23 červienia prem'jer-ministr Biełarusi Michaił Miaśnikovič padčas vizitu ŭ Sankt-Pieciarburh zajaviŭ: Biełaruś poŭnaściu raźličycca za pastaŭlenuju elektraenierhiju da 28 červienia. Pavodle jaho słoŭ, «u pryncypie, u Biełarusi dastatkova mahutnaściaŭ, kab zabiaśpiečyć unutrany rynak u elektraenierhii poŭnaściu, navat ź liškam», adnak niekatoryja enierhietyčnyja mahutnaści ŭ Biełarusi «nie vielmi efiektyŭnyja».

Adnak hrošy ŭ Maskvu nie pastupili dahetul.

Aficyjnyja pradstaŭniki Biełarusi situacyju nie kamientujuć.

Dziejańni «Inter RAO JEES» vyklikali abureńnie rasijskich kamunistaŭ, jakija zajavili ab palityčnaj padaplocy incydentu.

Deputat parłamienckaj frakcyi KPRF Anatol Łokać zapatrabavaŭ siońnia ad Dziarždumy spynić palityčny i ekanamičny šantaž Biełarusi «ŭ intaresach rasijskich aliharchaŭ i zachodnich krain, jakija patrabujuć siońnia abiasceńvańnia pradpryjemstvaŭ ułasnaści Biełarusi, praviadzieńnia pryvatyzacyi i zhortvańnia ŭsich sacyjalnych prahram».

• 0
• 0
• 0
• 0
• 0
• 0
• 0
• 0