Aktyvisty Abjadnanaj hramadzianskaj partyi (AHP) Dźmitryj Silčanka i Aleh Kirol 6 lipienia byli zatrymany kala prachadnoj Minskaha aŭtazavoda padčas razdačy infarmacyjnych biuleteniaŭ.
«Zaraz AHP pravodzić kampaniju pa papularyzacyi našaj antykryzisnaj prahramy. U jaje miežach kala prachadnoj MAZa my razdavali biuleteń „Łukanomika“, u jakim havorycca pra ekanamičny kryzis i antykryzisnuju prahramu», — paviedamiŭ BiełaPAN lidar AHP Anatol Labiedźka.
Pavodle jaho słoŭ, razdača prachodziła paśpiachova, biuleteni «raźbiralisia jak haračyja piražki». «Zatym niejki čałaviek, chutčej za ŭsio sa słužby biaśpieki pradpryjemstva, razdaču biuleteniaŭ źniaŭ na telefon. Paśla hetaha da prachadnoj padjechali ludzi ŭ cyvilnym, zapchnuli ŭ mašynu Silčanku i Kirola. Pa telefonie jany paśpieli paviedamić, što znachodziacca ŭ Zavodskim RUUS. Zaraz suviaź ź imi adsutničaje», — paviedamiŭ palityk.
Labiedźka zaznačyŭ, što «ničoha kramolnaha ŭ biuleteni niama, u im jość vychadnyja źviestki». Palityk nie vyklučaje, što zatrymanych mohuć abvinavacić u drobnym chulihanstvie.
Kamientary