Zvolnieny kiraŭnik «Minsk-Kryštala»

Adpraŭleny ŭ adstaŭku hienieralny dyrektar RUP «Minsk-Kryštal» Leanid Kučaravy. Nie vyklučana, što hetaja cichaja adstaŭka stanie novym vitkom u pošuku škodnikaŭ siarod dyrektarskaha korpusa.

Kučaravy — dosyć cikavaja piersona dla ŭsiaho rynku charčavańnia. Za čas jaho dzieviacihadovaha znachodžańnia na pasadzie jamu ŭžo minimum dva razy pradrakali adstaŭku.

Pieršy raz jon trapiŭ u zonu intaresaŭ pravaachoŭnych orhanaŭ u 2004 hodzie, prykładna praz hod paśla hučnaj pasadki kiraŭnika «Biełdziaržcharčprama» Viktara Kazieki i jahonaha syna Andreja, jaki ŭznačalvaŭ adździeł zbytu RUP «Minsk-Kryštal». U červieni 2004 prakuratura Respubliki Biełaruś raspačała kryminalnuju spravu ŭ dačynieńni da hienieralnaha dyrektara RUP «Minsk-Kryštal», dzie razam ź Leanidam Kučaravym staŭ fihuravać adzin z najbujniejšych i najstarejšych partnioraŭ zavoda — SP «Vuador». Išła havorka pra straty dziaržsrodkaŭ na pastaŭkach dekaratyŭnych butelek. Straty, na dumku prakurorskich rabotnikaŭ, panios RUP «Minsk Kryštal» praz toje, što nie zakupiŭ butelki naŭprost, a ŭziaŭ ich u dylera. Ale sprava razvaliłasia.

Adnak praź niekalki miesiacaŭ upraŭleńnie pa baraćbie z ekanamičnymi złačynstvami MUS raspačało novuju kryminalnuju spravu ŭ dačynieńni da Leanida Kučaravaha,

Pavodle dadzienych pravaachoŭnych orhanaŭ, u śniežni 2002 hoda Leanid Kučaravy zaklučyŭ z zhadanym SP damovu na kuplu 36 836 litraŭ kańjaku «Vuador». Dadzienaja syravina nibyta nie adpaviadała narmatyŭna-techničnym patrabavańniam i paciahnuła nieabchodnaść dadatkovaj pierapracoŭki atrymanaha na jaho asnovie brendzi. U vyniku pradpryjemstva paniesła škodu. Faktyčna Kučaravy kala hoda znachodziŭsia pad chatnim aryštam. Vykonvaŭ abaviazki hienieralnaha dyrektara jaho pieršy namieśnik Siarhiej Maškoŭ.

Hetaja historyja dla Kučaravaha taksama zaviaršyłasia ŭdała. Ale ŭžo ŭ lipieni 2007 hoda na viernutaha na pasadu «hienierała» nakaciła novaja chvala.

Što da pryčyn adstaŭki, jakaja ŭsio-taki adbyłasia ŭ pačatku lipienia, to nibyta ŭ červieni 2011 hoda kiraŭniku administracyi prezidenta U. Makieju pakłali na stoł dakładnuju zapisku.

U joj samym mocnym arhumientam źjaŭlajecca škoda, nibyta naniesienaja Kučaravym svajoj dziejnaści pa arhanizacyi vytvorčaści licenzijnaj harełki Nemiroff. Nahadajem, što na mahutnaściach RUP «Minsk Kryštal» z vosieni 2010 hoda pačaŭsia raźliŭ pradukcyi pad mižnarodnym brendam Nemiroff. Kvota na vytvorčaść napojaŭ Nemiroff musiła skłaści 1 młn dalaraŭ u hod. Zamiest hetaha adbyłosia zatarvańnie składa «Niemiroŭski» śpirtami i hatovaj pradukcyjaj. Słaŭnaja ŭkrainskaja pradukcyja, zroblenaja na biełaruskim pradpryjemstvie, šyrokaha popytu ŭ našaha spažyŭca nie znajšła. Što i niadziŭna. Biełaruski spažyviec-hurman mieŭ mahčymaść spažyvać kantrafaktny tanny «Niamiraŭ», i svoj darahi anałah jaho zusim nie uschvalavaŭ.

Pavodle infarmacyi «Ježiednievnika», ciapier abaviazki kiraŭnika «Minsk-Kryštala» vykonvaje hałoŭny inžynier Jaŭhien Supierfin.

Infarmacyja pa spravie

Leanid Kučaravy naradziŭsia 5 sakavika 1959 u horadzie Klimavičy. Maje dźvie vyšejšyja adukacyi — skončyŭ Mahiloŭski technałahičny instytut i Akademiju kiravańnia pry prezidencie Respubliki Biełaruś.

Pracavaŭ u «Klimavičśpirtpramie». Na minskim «Kryštali» — sa žniŭnia 1984. Prajšoŭ šlach ad majstra da hienieralnaha dyrektara.

Na pasadu hienierała RUP «Minsk-Kryštal» pryznačany 11 listapada 2002 hoda. Da hetaha zajmaŭ pasadu namieśnika hałoŭnaha inžyniera.

• 0
• 0
• 0
• 0
• 0
• 0
• 0
• 0