Z 28 lipienia rumynskaja viza budzie kaštavać $90, hrupavyja vizy admianiajucca
Jak paviedamili ŭ pasolstvie Rumynii ŭ Minsku, u suviazi z uvachodžańniem Rumynii da 2012 hoda ŭ Šenhienskuju zonu z 28 lipienia admianiajucca hrupavyja vizy. Z hetaha času za vizu ŭ Rumyniju biełaruskija turysty buduć płacić jak za indyvidualnuju vizu — 90 dalaraŭ.
Nahadajem, što z 1 červienia 2009 hoda košt afarmleńnia vizy dla turystaŭ, jakija nakiroŭvajucca ŭ Rumyniju ŭ składzie arhanizavanaj hrupy, składała €1 na čałavieka. Pry hetym na kiraŭnika turystyčnaj hrupy viza afarmlałasia za €60.
U turystyčnych firmach aścierahajucca, što rezkaje i niečakanaje pavyšeńnie koštu rumynskich viz baluča ŭdaryć pa prodažach turaŭ u hetuju krainu.
«Rumynija zaŭsiody ŭsprymałasia jak biudžetny kirunak, — raspaviadaje Natalla Buhajova, dyrektar kampanii „KołorŁend“. — Z uviadzieńniem mihracyjnych zaprašeńniaŭ jano ŭžo adčuła adtok nie tolki biełaruskich turystaŭ, ale i turapierataraŭ — zanadta składana stała pracavać. U hetym hodzie Biełaruskaja čyhunka pajšła nasustrač biełaruskim turfirmam i znoŭ puściła vahony na Kostancu — i taksama, chutčej za ŭsio, paniasie straty. Viadoma, my prykładziom usie namahańni, kab apaviaścić svaich turystaŭ ab novych praviłach, ale mnohija ź ich, chutčej za ŭsio, užo nie paśpiejuć zaryjentavacca. Termin afarmleńnia rumynskaj vizy — 10 dzion, tamu na atrymańnie hrupavych viz zastałosia nie tak užo šmat času. Siezon i tak vielmi ciažki, tury pradajucca ŭ asnoŭnym na bližejšyja daty, i niečakanaje pavieličeńnie koštu viz moža pryvieści da taho, što turysty zusim admoviacca ad płanaŭ pajechać u Rumyniju. Aŭtobusnyja łancužki, błoki miescaŭ u hatelach — za ŭsio heta turfirmy ŭžo zapłacili, i nieviadoma, ci zdolejuć jany pakryć hetyja vydatki. Asabliva mohuć paciarpieć bujnyja turapieratary, jakija zahružajuć u Rumyniju niekalki łancužkoŭ. U nas jon tolki adzin, bolšaść miescaŭ raskuplena, tamu novaŭviadzieńnie na našych prodažach adabjecca nie tak mocna».
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary