Lindner: Dla palapšeńnia inviestycyjnaha klimatu Minsku nieabchodnyja palityčnyja reformy
Hatoŭnaść niamieckich pradprymalnikaŭ inviestavać u biełaruskuju ekanomiku rezka źniziłasia paśla śniežańskich padziej minułaha hoda. Kab palepšyć inviestycyjnuju pryvabnaść krainy, Minsku nieabchodnyja palityčnyja reformy,zajaviŭ vykanaŭčy dyrektar Uschodniaha kamiteta niamieckaj ekanomiki Rajner Lindner.
«Režymu ŭ Minsku varta zrazumieć, što jon u vielmi ciažkim stanoviščy. Sam fakt isnavańnia ŭ krainie palitviaźniaŭ škodzić inviestycyjnamu klimatu. Inviestary nie adčuvajuć davieru da pravavoj sistemy Biełarusi. Uładam u Minsku pavinna być zrazumieła, što ŭ takoj situacyi nieabchodna vyzvalić palitviaźniaŭ», — skazaŭ jon u intervju «Niamieckaj chvali».
Pavodle słovaŭ ekśpierta, jon nie raz kazaŭ čalcam «biełaruskaha ŭrada pra toje, što dla niamieckich inviestaraŭ hałoŭnaj umovaj pašyreńnia ich dziejnaści ŭ Biełarusi źjaŭlajecca pravavaja biaśpieka i stvareńnie libieralnaha hramadstva».
Jak zaŭvažyŭ Lindner, «ciapier u respublicy zarehistravana 300 niamieckich kampanij, a ich mahło b być našmat bolš».
«Niamieckija biznesoŭcy mahli b značna bolš aktyŭna ŭdzielničać u novych ekanamičnych prajektach, naprykład, u pryvatyzacyi biełaruskich pradpryjemstvaŭ. Šmat mahčymaściaŭ dla supracoŭnictva jość u ahrarnym i finansavym siektarach. My nie možam pakul da kanca vykarystoŭvać naš patencyjał, tamu što nie zusim jasna, jak Biełaruś budzie raźvivacca dalej. U administracyi prezidenta hatoŭnaść da palityčnych pieramienaŭ vielmi nizkaja», — zaznačyŭ Lindner.
Jon taksama vykazaŭsia suprać uviadzieńnia ekanamičnych sankcyj u dačynieńni da Biełarusi,bo «pierš za ŭsio heta adabjecca na prostych hramadzianach». «Niaprosta ličycca z tym, što na narod moža być uskładzienaja adkaznaść za dziejańni kiraŭnictva krainy», — zaŭvažyŭ ekanamist.
«Što da palityčnych sankcyj, to ich my vitajem. Praŭda, „čorny śpis“ asobaŭ, jakim zabaronieny ŭjezd na terytoryju Jeŭrapiejskaha sajuza, varta było b taksama staranna pravieryć. Mahčyma, čyjeści proźviščy apynulisia ŭ im niezasłužana, a tych, chto, naprykład, niasie adkaznaść za arhanizacyju pakazalnych sudoŭ nad demanstrantami abo za adličeńnie studentaŭ, u hetym śpisie niama», — dadaŭ jon.
Pavodle jaho słovaŭ, pašyreńnie ekanamičnych sankcyj moža vyklikać nieadekvatnuju reakcyju biełaruskich uładaŭ i ŭ kančatkovym vyniku adabjecca i na Hiermanii.
«Dla Hiermanii takaja situacyja nie projdzie biasśledna. My zaležnyja ad Biełarusi, bo praz hetuju krainu pralahaje trubapravod „Družba“. Pa im da nas z Rasii pastupaje nafta. Tamu ŭ dadzienym pytańni važna, tak by mović, viedać mieru, kab nie spravakavać nie zusim adekvatnuju reakcyju z boku Minska».
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary