Na akcyju ŭ Baranavičach pryjšli tolki žurnalisty i milicyjanty +fota i videa
U hetuju sieradu ŭžo pa znajomym scenaryi jašče da siami hadzin viečara milicyjanty vydalali z płoščy tych, chto vyrašyŭ adpačyć u centry horada, tłumačačy im, što «na płoščy prachodzić niesankcyjanavanaja akcyja i znachodzicca tut nielha».
Padletki, piensijaniery, baćki ź dziećmi ździŭlena aziralisia ŭ pošukach «akcyi», ale biez sprečki sychodzili, pieramiaščajučysia ŭ pałatku z achaładžalnymi napojami pobač z kinateatram.
Pakul adny milicyjanty tłumačyli redkim adpačyvalnikam, «dzie možna adpačyvać pa sieradach», inšyja adciahvali razmovami žurnalistaŭ, sprabujučy pieraškodzić fota-i videazdymcy.
Ačyściŭšy płošču ad ludziej mienš čym za dziesiać chvilin, milicyjanty vidavočna zasumavali: «Sumna ... Ludziej niama ... Nadakučyła siudy chadzić ... Kali ŭsio heta ŭžo skončycca?»
Da apieratara dziciačych elektramabilaŭ Arcioma Babieja, jaki zvyčajna ŭ hety čas jašče pracavaŭ na płoščy i kataŭ dziaciej, padychodzili mamy i pytalisia, čamu siońnia niama mašynak. Rastłumačyć, čamu milicyja nie dazvalaje katać dziaciej pa sieradach paśla siami hadzin viečara, Arciomu nie atrymałasia, tak jak i sam jon vyraznych tłumačeńniaŭ z boku supracoŭnikaŭ pravaachoŭnych orhanaŭ nie atrymaŭ. Zatoje milicyjant u cyvilnym nie zabyŭsia padyści da jaho i «papiaredzić»: «Pasprabuj jašče raz źjavicca na płoščy ŭ hety čas, i ŭ ciabie buduć prablemy ...»
-
Łukašenka źjaviŭsia na dziciačym navahodnim śviacie paśla padzieńnia na chakiejnym matčy
-
«Usich cudoŭnych słoŭ śvietu niedastatkova, kab raskazać, jaki jon». Kitajskaja žonka zahinułaha biełaruskaha dobraachvotnika raspaviała pra jaho
-
Kalekcyjanier zajmieŭ kupiuru z dvuma roznymi sieryjnymi numarami i zasumniavaŭsia ŭ sapraŭdnaści
Kamientary