Dzijanaŭ: Siońniašniaja akcyja — heta pavolny pierachod u łakalnyja pratesty

Čarhovaja akcyja maŭklivaha pratestu, arhanizavanaja internet-hrupaj «Revalucyja praz sacyjalnyja sietki» (RPSS) 27 lipienia ŭ roznych haradach Biełarusi, stała płaŭnym pierachodam u łakalnyja pratesty,

«Faktyčna siońniašniaja akcyja i, mahčyma, jašče adna — heta płaŭny pierachod u łakalnyja pratesty, — skazaŭ jon. — Łakalnyja nie značyć masavyja. Jany buduć prachodzić masava pa ŭsioj krainie, ale nie ŭ adnym miescy zboru. Adno miesca zboru źjavicca tady, kali ŭzrovień samaarhanizacyi hramadzian budzie značna vyšejšy, čym ciapier. Tady možna budzie sabrać maŭklivuju akcyju, naprykład, nie za piać dzion, a na praciahu paŭhadziny».

Dzijanaŭ adznačyŭ, što ciapier «u ludziej jość ideja, ale niama kalektyŭnaha duchu — taho, da čaho treba imknucca». Pavodle jaho słoŭ, ciapier internet-supolnaść transfarmujecca ŭ sistemu aŭtanomnych hrup, u jakija prapanoŭvajecca abjadnoŭvacca ludziam. «Heta nie partyjnyja hrupy, dzie jość načalnik, jaki ŭsio vyrašaje.

Sami hrupy buduć vyrašać, vychodzić im ci nie, kolkim ludziam udzielničać. Heta ŭžo inšy ŭzrovień arhanizacyi»,

Inicyjatary RPSS, skazaŭ Dzijanaŭ, aceńvajuć minułyja akcyi «kompleksna i niepraduziata». Na jaho dumku, za paŭtara miesiaca ludzi pakazali, što «hatovy pieramahčy svoj strach suprać sistemy, vychodzić samim bieź niejkaj nahody ci palityčnaj padziei». Dzijanaŭ taksama adznačyŭ, što pratesty «prademanstravali ŭsiamu śvietu, što ŭ Biełarusi niama zakonnaści».

Akcyja maŭklivaha pratestu 27 lipienia stała samaj małalikaj i nieprykmietnaj. Jana pravodziłasia ŭ novym farmacie: źmianilisia čas (13.00 zamiest zvyčajnych 19.00) i miesca (najbujniejšyja rynki haradoŭ zamiest centralnych płoščaŭ). U Minsku miescam praviadzieńnia akcyi byŭ abrany Kamaroŭski rynak, na jakim da pačatku mierapryjemstva, jak i ŭ zvyčajnyja dni, było šmat ludziej. Rajon rynku ŭzmocniena patrulavaŭsia supracoŭnikami milicyi i ludźmi ŭ cyvilnym.

Udzielniki akcyi nijak siabie nie abaznačyli. Miž tym, jak raskazaŭ BiełaPAN adzin z pastajannych udzielnikaŭ pratestnych akcyj, siońnia da rynku pryjšło dosyć šmat ludziej, jakija rehularna chodziać na akcyi. Hetyja ludzi, jakija ŭžo viedajuć adzin adnaho ŭ tvar, siadzieli na łaŭkach, hulali kala rynku, ale staralisia nie razmaŭlać pamiž saboj i z žurnalistami, kab paźbiehnuć zatrymańniaŭ. Dla ich było važna sabracca razam na čarhovuju akcyju.

Incydentaŭ i zatrymańniaŭ padčas akcyi zaŭvažana nie było.

Prykładna hetak ža prajšli akcyi i ŭ inšych haradach.

• 0
• 0
• 0
• 0
• 0
• 0
• 0
• 0