«SB»: «Ekspansijanisckaja palityka Rasiei pahražaje suverenitetu Biełarusi»
Orhan Administracyi prezydenta apeluje da Londanu i Vašynhtonu i zastupajecca za Saakašvili.
Drukavany orhan Administracyi prezyzydenta ‑‑ hazeta «Sovietskaja Biełoruśsija – Biełaruś siehodnia» ‑‑ u numary za 10 studzienia źmiaščaje redakcyjny materyjał pad nazvaj «Vyprabavańnie «Družbaj». Na samym pačatku artykułu zaznačajecca, što za kulisami pieramovaŭ pa nafta‑hazavych pytańniach «chavajucca rečy bolš značnyja, čym naftavyja myty ci ventyli».
«SB» pryznaje, što pad pahrozaj akazałasia biełaruskaja niezaležnaść.
«SB» rezka krytykuje rasiejskija ŭłady. Hazeta piša, što «nie rasiejski ŭrad kiruje «Hazpromam», a «Hazprom» spraŭlaje bal na ŭnutranaj i zamiežnaj palitycy Rasiei... Ci nia hety paradak rečaŭ nazyvajecca aliharchijaj?». Peryjodyk zastupajecca za Ŭkrainu i Hruziju, «Ukrainu Kreml dušyŭ prydumanymi mytami na haz, raźviazaŭ dzikuju antyhruzinskuju kampaniju».
Dalej aŭtar artykułu adkazvaje na pytańnie čytačoŭ, jakija jany zadavali apošnimi dniami ŭ listach u redakcyju «SB».
Adnaznačna stanoŭčy adkaz byŭ atrymany na nastupnaje pytańnie: «Ci pahražaje jaŭna ekspansijanisckaja palityka Rasiei biełaruskamu suverenitetu». — «Tak, pahražaje». Pryčym pytańnie vyniesiena pieršym.
Hazeta pytajecca: «Ci nie źjaŭlajecca palityka Rasiei parušeńniem Budapešckaha memarandumu 1995 h., pa jakim Rasieja, Anhlija i ZŠA źjaŭlajucca harantami biełaruskaj niezaležnaści». Z hetaha ŭźnikaje pytańnie: dyk što nam ciabie varta źviartacca da Brytanii i ZŠA, kab abaranić svaje harantyi? Adkaz taki: «Pra Londan i Vašynhton, biez sumnievu, treba ŭzhadać... Tamu dziaržavy, jakija kłapociacca pra naš prestyž, pavinny ŭspomnić, što prezydenty ich krainaŭ u svoj čas publična harantavali Biełarusi abaronu suverenitetu». Aficyjny Miensk čarhovy raz sprabuje zapałochać svajho ŭschodniaha susieda, što ŭ vypadku čaho, moža pieraaryjentavacca ŭ bok Zachadu.
Razam z tym hazeta zaznačaje, što «vychad z sytuacyi jość. I jon pavinien być znojdzieny na pieramovach. Bazavyja ŭmovy takija: Rasieja źjaŭlajecca ŭładalnikam nafty i maje prava ustanaŭlivać luby košt, Biełaruś vałodaje kamunikacyjami i taksama maje prava pryznačać svaje košty. Treba damaŭlacca». Biełaruś, takim čynam, usio jašče spadziajecca ŭłahodzić kanflikt mirnym šlacham.
Kali Vy ŭsio jašče nia vierycie, što "SB" moža pra takoje tak pisać, kali łaska klikajcie siudy.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary