Rasiejskaja «Transnafta» patrabuje ad Biełarusi 313 tysiačaŭ dalaraŭ kamensacyi. Pačatak pieramoŭ, adnaŭleńnie transpartavańnia nafty j admiena Biełaruśsiu myta nie paŭpłyvali na pazycyju kampanii: «My budziem patrabavać viartańnia hetych hrošaj», — zajaviŭ jaje kiraŭnik Siamion Vajnštok.
Rasiejskaja naftavaja kampanija «Transnafta» vystaviła pretenzii biełaruskamu dziaržaŭnamu naftatranspartnamu pradpryjemstvu «Homieltransnafta» Družba» pra spahnańnie škody ŭ pamiery 313 tysiačaŭ dalaraŭ, — paviedamili «Interfaksu» ŭ kancernie «Biełnaftachim».
«U pretenzii adznačana, što «Transnafta» paniesła straty ŭ suviazi z vymušanym zachoŭvańniem nafty ŭ naftaschoviščach, nieraschodavańniem užo apłačanaj enerhii j nievykanańniem abaviazalnictvaŭ pierad pastaŭnikami», — patłumačyŭ surazmoŭca ahienctva.
Zhodna z praceduraj, paśla adkazu na pretenziju, u vypadku, kali adkaz nia budzie zadavalniać rasiejskuju kampaniju, jana moža padać u sud pa miescy znachodžańnia adkaźnika.
Pra padaču pazovaŭ pa fakcie adbirańnia Biełaruśsiu nafty z trubapravodaŭ paviedamiŭ u aŭtorak 9 studzienia kiraŭnik Minpramenerha Rasiei Viktar Chryścienka. Pavodle jahonych słovaŭ, nafta adbirałasia ŭ toj momant, kali Biełaruś užo spyniła prapampoŭvańnie, a «Transnafta tolki prymała adpaviednyja rašeńni z svajho boku. 7 studzienia ŭ kirunku «Adamavaj zastavy» było adabrana kala 80 tysiačaŭ ton, skazaŭ ministar.
Na pytańnie, ci planuje «Transnafta» admovicca ad sudovych pretenzij da biełaruskaha boku ŭ suviazi z pačatkam pieramovaŭ, adnaŭleńniem transpartavańnia nafty j admienaj Biełaruśsiu myta, kiraŭnik kampanii «Transnafta» Siamion Vajnštok 10 studzienia zajaviŭ: «Zaraz ja mahu skazać adno. My acanili našyja straty ŭ 9 młn. rubloŭ i pradjavili jaho homielskamu pradpryjemstvu. My budziem patrabavać viartańnia hetych hrošaj. Pra dalejšy los sudovych pretenzij ja pakul skazać ničoha nie mahu».
Na ilustracyi — frahment hałoŭnaj staronki sajtu Transneft.ru z vyjavaj Siamiona Vajnštoka
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary