U Minsku priezientavali apošnija vydańni Česłava Miłaša — videa
2 vieraśnia ŭ Centralnaj navukovaj biblijatecy imia Ja.Kołasa NAN Biełarusi ŭ Minsku adbyłasia prezientacyja apošnich vydańniaŭ vydatnaha polskaha paeta i eseista, pierakładčyka, łaŭreata Nobieleŭskaj premii Česłava Miłaša. Siarod ich — zbor vybranych tvoraŭ aŭtara «Inšaha kanca śvietu nie budzie» ŭ pierakładzie na biełaruskuju movu, a taksama aŭdyjokniha «Čałaviek šmatpaviarchovy», u jakuju ŭvajšli vieršy Miłaša ŭ pierakładzie i vykanańni Andreja Chadanoviča z muzyčnym supravadžeńniem biełaruskaha hurtu «Racyjanalnaja dyjeta».
Pavodle słoŭ Andreja Chadanoviča, Miłaš cikavy biełarusam, tamu što «heta najbližejšy da nas nobieleŭski łaŭreat, heta naš dobry susied, jakomu nie treba było b tłumačyć, što takoje Biełaruś, što takoje biełaruskaja mova, što takoje postsavieckaja i posttatalitarnaja dziaržava, što takoje dziaržava ź niapoŭnaj svabodaj, što takoje pisać z unutranym cenzaram i zmahacca z hetym cenzaram».
Heta nie apošniaje litaraturnaje śviata, źviazanaje ź imiem polskaha paeta. 8 vieraśnia adbudziecca adkryćcio fiestyvalu «Vialikaje kniastva paezii», pryśviečanaje 100-hodździu Miłaša, paviedamiŭ Andrej Chadanovič. U jaho miežach adbudziecca prezientacyja śpiecyjalna padrychtavanaha 4-tomnika, jaki adlustroŭvaje Miłaša va ŭsich śfierach jahonaj dziejnaści — paezii, eseistycy, prozie i fiłasofii, raskazaŭ Chadanovič. «Heta budzie śviata dla čytačoŭ i słuchačoŭ: my spałučym čytańnie miłašaŭskich vieršaŭ z muzykaj», — zaznačyŭ jon.
Česłaŭ Miłaš pražyŭ doŭhaje žyćcio (30 červienia 1911 hoda —14 žniŭnia 2004 hoda). Trahičnyja padziei XX stahodździa — Kastryčnickaja revalucyja, Pieršaja i Druhaja suśvietnyja vojny, a potym «chałodnaja vajna» — zakranuli asabisty los piśmieńnika i adlustravalisia ŭ jaho tvorčaści.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary