Viarchoŭny kamisar AAN pa pravach čałavieka zaklikaŭ vyzvalić biełaruskich palitviaźniaŭ

Viarchoŭny kamisar AAN pa pravach čałavieka Navanietchiem Piłej zaklikaje biełaruskija ŭłady nieadkładna i biez usiakich umoŭ vyzvalić palityčnych apanientaŭ, demakratyčnych aktyvistaŭ i žurnalistaŭ, jakija nie brali ŭdziełu ni ŭ jakich hvałtoŭnych akcyjach.

Aprača taho, viarchoŭny kamisar rekamienduje pravieści ŭsiebakovaje i abjektyŭnaje rasśledavańnie akaličnaściaŭ, pry jakich hetyja ludzi byli zatrymanyja, a taksama ŭsich vypadkaŭ katavańniaŭ, pra jakija zajaŭlali źniavolenyja.

U dakładzie taksama ŭtrymlivajecca zaklik da biełaruskich uładaŭ nieadkładna spynić palityčny i administracyjny cisk na pravaabaroncaŭ, žurnalistaŭ i palityčnych apanientaŭ uładaŭ i ich pieraśled. Rekamiendujecca pryvieści zakanadaŭstva Biełarusi, u tym liku Kryminalny kodeks, u adpaviednaść ź mižnarodnymi abaviazacielstvami krainy ŭ pravaabarončaj śfiery.

Biełaruś taksama zaklikajuć da paŭnacennaha supracoŭnictva z usimi pravaabarončymi strukturami AAN i z takimi rehijanalnymi arhanizacyjami, jak ABSIE i Saviet Jeŭropy.

U dakładzie viarchoŭnaha kamisara zaznačajecca, što situacyja z pravami čałavieka ŭ Biełarusi pačała rezka paharšacca paśla prezidenckich vybaraŭ 19 śniežnia 2010 hoda, kali była razahnanaja mirnaja akcyja pratestu ŭ Minsku.

«Infarmacyja, sabranaja ofisam viarchoŭnaha kamisara adnosna dziejańniaŭ urada (Biełarusi. — BiełaPAN.) u dzień prezidenckich vybaraŭ i paśla, śviedčyć pra surjoznyja parušeńni pravoŭ čałavieka. U pryvatnaści, vyklikajuć zakłapočanaść parušeńni pravoŭ na svabodu asacyjacyj, schodaŭ, sumleńnia, svabodu słova i prava na sumlenny sud», — havorycca ŭ dakładzie. Surjoznuju zaniepakojenaść AAN vyklikaje infarmacyja ab katavańniach i nienaležnym abychodžańni sa źniavolenymi, parušeńni padčas rasśledavańnia i suda, adsutnaść niezaležnaj sudovaj sistemy i cisk na advakataŭ.

U dakładzie zaznačajecca, što ŭ suviazi z adsutnaściu ŭ Biełarusi pradstaŭnictva ofisa kamisara pa pravach čałavieka zbor infarmacyi pry padrychtoŭcy hetaha dakłada ciažki. 19 lipienia ofis kamisara źviarnuŭsia ŭ pastajannaje pradstaŭnictva Biełarusi pry AAN u Ženievie z prośbaj ab arhanizacyi vizitu pradstaŭnikoŭ ofisa ŭ Biełaruś dla aznajamleńnia ź situacyjaj na miescy. Vizit pavinien byŭ adbycca nie paźniej za pačatak vieraśnia, adnak adkazu na zapyt tak i nie było.

• 0
• 0
• 0
• 0
• 0
• 0
• 0
• 0