U sudzie pa spravie ab teraktach u Minsku dapytanaja hałoŭnaja śviedka Jania Pačyckaja.
U sudzie pa spravie ab teraktach u Minsku 22 vieraśnia dapytanaja hałoŭnaja śviedka Jania Pačyckaja. Jana paviedamiła sudu, što ź Dźmitryjem Kanavałavym paznajomiłasia ŭ sacyjalnaj sietcy «UKantakcie». U noč z 9 na 10 krasavika Kanavałaŭ paviedamiŭ joj, što pryjazdžaje ŭ Minsk na try dni i prapanavaŭ sustrecca.
10 krasavika kala 20.00 jany sustrelisia i adpravilisia na zdymnuju kvateru Kanavałava, dzie raśpivali śpirtnyja napoi. Pavodle słoŭ śviedki, 11 krasavika Kanavałaŭ amal nie piŭ i kazaŭ, što jamu patrebna budzie adłučycca viečaram prykładna ŭ 17.00. Pačyckaja adzin raz ubačyła sumku, u jakoj była bomba, ale pra jaje źmieściva nie viedała i nie zdahadvałasia.
Pačyckaja taksama paviedamiła, što bačyła, jak Kavaloŭ i Kanavałaŭ razam siadzieli nad sumkaj, jakaja stajała za šyrmaj. Ale jak tolki jana adčyniła šyrmu, jany zakryli sumku i paprasili jaje vyjści.
11 krasavika kala 17 hadzin Kanavałaŭ pajšoŭ z kvatery i viarnuŭsia prykładna praz
Kanavałaŭ byŭ u pryŭźniatym nastroi, žartavaŭ, niešta napiavaŭ i zajaviŭ, što «zaraz možna adpačyvać».
Usie troje, razam z Uładzisłavam Kavalovym, jany pradoŭžyli vypivać. Kanavałaŭ, paviedamiła Pačyckaja, spakojna loh spać u toj čas, jak pa televizary źjavilisia pieršyja paviedamleńni pra terakt u minskim mietro. Jak zaznačyła Pačyckaja,
Kanavałaŭ na hetuju navinu reahavaŭ zusim adekvatna, aburaŭsia razam z usimi, spračaŭsia pra toje, chto heta moh zrabić.U aŭtorak, 12 krasavika, z kvatery jany praktyčna nie vychodzili, praciahvali vypivać. Viečaram da ich uvarvalisia supracoŭniki milicyi i zatrymali ŭsich traich.
Pačyckaja zajaviła, što ničoha nie viedaje ni pra vybuchovaje prystasavańnie, ni pra matyvy Kanavałava ŭčynić terakt.
U sudovym pasiadžeńni abvieščany pierapynak da 11 hadzin 23 vieraśnia. Pasiadžeńnie budzie praciahvacca z apytańnia paciarpiełych.
Kamientary