Śpiecnazaŭcy dapytvalisia, čamu jahony telefon paznačany ŭ zaprašeńniach na Narodny schod.
Dziažurny Homielskaha izalatara časovaha ŭtrymańnia patelefanavaŭ pravaabaroncu Leanidu Sudalenku i pieradaŭ prośbu ad Kastusia — pryvieźci ŭ izalatar mylicy.
«Ja pacikaviŭsia: a što ŭ jaho złamana? Dziažurny adkazaŭ: «Naha!» Pytajusia: hips nakłali? Dziažurny adkazaŭ: «Tak, nakłali hips», — paviedamiŭ Sudalenka.
Leanid Sudalenka paviedamiŭ, što mylicy Žukoŭskamu znajšli. «Ja budu prasić načalstva izalatara pieranieści adbyćcio vyniesienaha sudom pakarańnia na bolš poźni termin — paśla vyzdaraŭleńnia», — skazaŭ Sudalenka.
Kastusia Žukoŭskaha zatrymali 21 vieraśnia, da pačatku maŭklivaj akcyi pratestu, niepadalok ad ułasnaha domu. Śpiecnaz milicyi nibyta chacieŭ ŭručyć Žukoŭskamu pozvu, a jon łajaŭsia i supraciŭlaŭsia.
Žukoŭskaha śpiecnazaŭcy advieźli spačatku ŭ Čyhunačny adździeł, dzie dapytvalisia, čamu jahony telefon paznačany ŭ zaprašeńniach na Narodny schod, jaki maje adbycca 8 kastryčnika la DK «Vipra» na vulicy Jubilejnaj.
Paśla Žukoŭskaha pieravieźli ŭ Centralny rajadździeł milicyi, kab skłaści administracyjnyja pratakoły. I tolki praź piać hadzinaŭ advieźli ŭ špital chutkaj miedycynskaj dapamohi, paśla — da niejrachirurha ŭ abłasny špital, a zatym — u izalatar.
Na sudzie Žukoŭski davaŭ pakazańni siedziačy, bo nakulhvaŭ i nie moh stajać. Aktyvist taksama chadajničaŭ vyklikać lekara, skardziŭsia, što balić naha, hałava, šyja i ruki, što nahu lekary napiaredadni navat nie ahladali. Chadajnictva nie było zadavolena, i ŭ pierapynku pamiž pasiadžeńniami sudu Kastusia da miedykaŭ nie vazili.
22 vieraśnia sudździa Centralnaha rajonp Homiela Maryna Damnienka pakarała Kastusia Žukoŭskaha pakarała 15 sutkami aryštu: 7 — nibyta za łajanku na vulicy, 8 — za supraciŭ milicyi.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»6
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary