Administracyja BDU: niama admysłovaha dakumienta ab adkaznaści studenta za ŭdzieł u demanstracyjach
Usio rehłamientujecca Praviłami ŭnutranaha rasparadku.
U Redakcyju pryjšoŭ list, u jakim havorycca pra toje, što «na miechmacie BDU ŭsich studentaŭ chočuć prymusić padpisać dakumient ab adkaznaści za naviedvańnie mitynhaŭ i fłešmobaŭ, kab u vypadku, kali niechta trapicca, možna było adrazu adličyć».
Dekan miechanika-matematyčnaha fakulteta BDU Dźmitryj Miadvied adznačyŭ, što «niechta choča na pustym miescy stvaryć prablemu». Pavodle jaho słovaŭ,
studentam prapanoŭvajecca raśpisacca pad tym, što jany aznajomleny z Praviłami ŭnutranaha rasparadku.
I, maŭlaŭ, u tych praviłach niama ni słova pra mitynhi i demanstracyi. Dekan adznačyŭ, što heta zvyčajnaja praktyka.
Va ŭpraŭleńni vychavaŭčaj pracy z moładździu BDU paviedamili, što heta pravakacyja i nijakaha admysłovaha dakumienta nie isnuje. «Upieršyniu čuju. Nie isnuje takoha dakumienta na ŭzroŭni ŭniviersiteta», — skazaŭ namieśnik staršyni ŭpraŭleńnia Alaksiej Bahamazaŭ.
U Praviłach unutranaha rasparadku BDU sapraŭdy niama punkta, jaki b abmiažoŭvaŭ udzieł studentaŭ u mitynhach ci demanstracyjach. Ale ŭ dakumiencie havorycca, što
student nie pavinien ździajśniać dziejańni, za jakija praduhledžana administratyŭnaja albo kryminalnaja adkaznaść.
U vypadku parušeńnia jon moža być adličany z univiersiteta. Farmalna heta aznačaje, što možna vychodzić na akcyi pratestu. Aby nie traplacca ŭ abjektyvy kamier i ŭ ruki milicyi.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma14
Kamientary