Onliner.by: Jak prosty chłopiec prydumaŭ druhi pa papularnaści sajt Biełarusi

Vital i Ksienija Šuraŭki vielmi naściarožana staviacca da paraŭnańniaŭ svajho Onliner'a z amierykanskim Facebook. Ci to pryrodnaja ścipłaść, ci to pryrodžany racyjanalizm prymušajuć ich aściarožničać. Tym nie mienš, praź dziesiać hod ad starta Onliner.by možna ŭpeŭniena skazać: jon nie prosta adnahodak — jon simvał «nulavych».

U 2001 hodzie mabilnik kaštavaŭ piaćsot baksaŭ, a siaredniaja zarpłata ledź daciahvała da sta. «Źviaknu babuli na sotavy» — fraza z razradu aniekdotaŭ. Bo «sotavych» (tak dziełavita tady nazyvali «mabiły»), jasnaja sprava, nie było ni ŭ siaredniestatystyčnaj babci, ni va ŭnuka. U Vitala Šuraŭki sotavy telefon byŭ, bo chłopiec udzień i ŭnočy pisaŭ dla biełaruskich i rasijskich haziet i sajtaŭ ahlady tych samych mabilnych telefonaŭ. Papularnaść takich materyjałaŭ była nievierahodnaja: kožny, chto mieŭ zanačku i niepieraadolnuju maru nabyć čaroŭny simvał bahaćcia i dabrabytu, čytaŭ takija artykuły jak mantry. Tamu nie dziva, što ŭ niejki momant sp.Šuraŭka zrazumieŭ: chočacca zarablać na niečym svaim.

14 lutaha 2001 hoda Vital zasnavaŭ onliner.by. Spačatku Šuraŭku davodziłasia sumiaščać pracy, ale ŭžo praz dva hady sajt staŭ prynosić stabilnyja 30 dalaraŭ prybytku na miesiac. «Tady my radavalisia, što ŭzdymajemsia ŭ nacyjanalnym rejtynhu na 20 miesca. I dumali: “O, kłas!”», — uzhadvaje Vital. Praz 10 hadoŭ jaho sajt pa kolkaści ŭnikalnych naviednikaŭ budzie druhim paśla tut.by.

Aprača vielmi addanaj metavaj aŭdytoryi i pryncypu «budź praściej – i da ciabie paciahnucca», Onliner cikavy jašče adnym fienomienam. Heta ŭ peŭnym sensie siamiejny biźnies, jaki paŭstaŭ dziakujučy samomu biźniesu.

Ksienija I Vital paznajomilisia ŭ aścy — kłasičnaja love story dla hikaŭ 2000-ch. Jon užo prydumaŭ Onliner, jana pakul pracavała namieśnicaj dyrektara turystyčnaj ahiencyi. Alo ich abjadnoŭvała praha dasiahać novych vyšyniaŭ.

Vidavočna, što pavaroty Fartuny supravadžalisia nie tolki šancavańniem, ale potam i kryvioju Šuravak. Tak, adzin ź pieršy ofisaŭ u ich byŭ nie dzie-niebudź, a ŭ Pałacy Respubliki. Ale «heta było pustoje pamiaškańnie pad leśvicaj, i Pałac vyrašyŭ trochi padzarabić, pastaviŭšy mizernuju arendnuju płatu». Tak, jany vielmi ŭdała abrali manieru padačy infy ŭ katałohu. Ale «kali Vitalik prydumaŭ zrabić katałoh mabilnych telefonaŭ, my vyrašyli zapuścić jaho adrazu paśla majskich śviataŭ. I ŭ toj čas, kali ŭsie śviatkavali, my siadzieli i rychtavali katałoh».

Usie hetyja prykłady niby śpisanyja z padručnikaŭ pa historyi sełfmejdaŭ. I historyja pośpiechu Onliner sapraŭdy začaroŭvaje svajoj unikalnaj nie-biełaruskaj dramaturhijaj.

Šuraŭki šmat u čym byli pijanierami. Naprykład, jany pierša-zakryvalniki «džynsy» — prapłočanaj rekłamy, jakuju vydajuć za nierekłamu. Adnojčy r00t admoviŭsia vydalić halinu ź nie vielmi pryjemnymi vodhukami pra MTS – apošnija źniali z sajta rekłamu na hod. U adnosinach z Onliner padobnyja historyi zdaralisia i ŭ Life:), i ŭ Velcom. Ale ci to praź niepachisnaść Šuravak, ci to praz sacyjalnuju značnaść ich resursa rekłamadaŭcy vymušanyja viartacca.

Chacia, na pramoje pytańnie, ci pravilna paraŭnoŭvać Onliner z Facebook mienavita z punktu pohladu ŭpłyvu na hramadstva, adnaznačnaha adkazu ŭ siamji Ksienii i Vitala niama.

«Nie, my nie sacyjalnyja sietki, - upeŭnieny Vital. — Naš forum — heta kamjunici, dzie ŭ ludziej jość ahulnyja temy dla znosin». «A ja b usio-tki paraŭnała nas z Facebook. Tamu što Facebook byŭ b nastupnaj prystupkaj. Bo ludzi jašče tady chacieli mieć znosiny i prasili, kab u ich była mahčymaść čacicca, zaprašać siabroŭ na svaju staronku. Kali b my tady padchapili mienavita hety kirunak, dumaju, atrymałasia b niešta typu Facebook. U hetym płanie my ŭpuścili momant».

• 0
• 0
• 0
• 0
• 0
• 0
• 0
• 0