Paśla 15-sutačnaha aryštu vyjšaŭ na volu homielski aktyvist Kastuś Žukoŭski.
Viečaram 6 kastryčnika paśla
Siabram i kaleham aktyvista, jakija jaho čakali kala izalatara ŭ 18.50, administracyja IČU zajaviła, što Žukoŭskaha ŭžo pavieźli milicyjaniery ŭ Centralny RAUS. Siabry pajechali ŭ adździeł milicyi, a tym časam apazicyjanier vyjšaŭ na volu.
«Jašče ŭ 18.00 pa mianie pryjechali z Centralnaha RAUS, skazali, što ja pavinien pajechać ź imi. Ale ja admoviŭsia, zajaviŭšy, što budu da kanca aryštu, 18.50, znachodzicca ŭ izalatary. A kali ja im tak patrebien, chaj čakajuć kala varot, chapajuć i składajuć čarhovy lipavy pratakoł», — raskazaŭ paśla vyzvaleńnia Žukoŭski.
Jon dadaŭ, što ŭ balnicu jaho pryvieźli adrazu paśla suda i tam vyznačyli, što naha złamana.
«Pryčym chitra vyznačyli — uračy skazali, što jana złamana daŭno.Choć mnie jaje złamali śpiecnazaŭcy, kali zatrymlivali. Da hetaha ŭ mianie prablem z nahoj nie było, jana nie baleła», — adznačyŭ apazicyjanier.
Pry znachodžańni ŭ IČU jon haładaŭ, pakarańnie adbyvaŭ u adzinočnaj kamiery, napisaŭ šmat zajaŭ u prakuraturu, u pryvatnaści ab źmienie miery strymańnia ŭ suviazi z chvarobaj. Taksama jon prasiŭ prakuraturu pakarać supracoŭnikaŭ śpiecnaza, jakija jaho źbili i złamali nahu. Adkazaŭ na svaje skarhi Žukoŭski pakul nie atrymaŭ. Ale ŭžo paśla vychadu ź izalatara atrymaŭ pozvu: źjavicca 7 kastryčnika ŭ prakuraturu Centralnaha rajona. Chutčej za ŭsio, vyklik u prakuraturu źviazany z tym, što Žukoŭski źjaŭlajecca adnym z arhanizataraŭ inicyjatyvy apazicyi «Narodny schod» u Homieli.
Apazicyjanier byŭ zatrymany 21 vieraśnia z užyvańniem hrubaj fizičnaj siły. Jaho dastavili ŭ IČU, adkul vazili ŭ balnicu dla akazańnia miedycynskaj dapamohi.
Charakterna, što ŭ balnicy nie zaŭvažyli pierałomu.Na sudzie Žukoŭski taksama skardziŭsia na boli ŭ nazie i prasiŭ akazać jamu miedycynskuju dapamohu.
22 vieraśnia sudździa Centralnaha rajona Homiela Maryna Damnienka pryznała Žukoŭskaha vinavatym va ŭčynieńni pravaparušeńniaŭ, praduhledžanych artykułami 17.1 i 23.4 KoAP (niecenzurnaja łajanka ŭ hramadskim miescy i niepadnačaleńnie patrabavańniam supracoŭnikaŭ milicyi). Pakarańniem sud vyznačyŭ aryšt na 15 sutak.
Ciapier čytajuć
Chto zabaraniaje ŭ Biełarusi knihi — voś hetyja 22 čałavieki12
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary