U Vałynskaj vobłaści na miažy ź Biełaruśsiu pastaviać antydronavyja sietki
U pamiežnych ź Biełaruśsiu rajonach Vałynskaj vobłaści Ukrainy płanujuć ustalavać antydronavyja sietki ŭzdoŭž asobnych učastkaŭ daroh. Takoje rašeńnie było ahučana paśla pracoŭnaj sustrečy ŭ Šackaj pasiałkovaj radzie z udziełam vykanaŭcy abaviazkaŭ kiraŭnika Vałynskaj abłasnoj vajskovaj administracyi Ramana Ramaniuka.
Asnoŭnaja ŭvaha padčas sustrečy była nadadziena pytańniam biaśpieki na biełaruska-ŭkrainskaj miažy. Pavodle słoŭ Ramaniuka, ryzyki z boku susiedniaj krainy zastajucca, tamu vobłaść praciahvaje padrychtoŭku da roznych mahčymych pahroz.
Jon adznačyŭ, što ŭmacavańnie abarončych rubiažoŭ na Vałyni pačałosia jašče da pačatku poŭnamaštabnaha ŭvarvańnia. U rehijonie byli stvoranyja inžyniernyja zaharody i ŭzmocnieny abarončyja pazicyi.
Adnoj z novych mier stanie mantaž supraćdronavych sietak na niekatorych darožnych učastkach, u tym liku ŭ miežach Šackaj terytaryjalnaj hramady. Pa słovach pradstaŭnikoŭ ułady, praca pa ŭmacavańni biaśpieki pamiežnych terytoryj budzie praciahvacca.
Kamientary
Jak ž..urnalistka ni sprabavała ...raźdmuć " temu" niiii čieho ni atrymałaś)))