Jak arhanizavany ruch na vulicy Maksima Bahdanoviča, dzie budujuć mietro
U suviazi z budaŭnictvam treciaj linii mietrapalitena na vulicy Maksima Bahdanoviča ad praśpiekta Mašerava da vulicy Niakrasava pieryjadyčna mianiajecca darožny ruch. Padrabiaznaści raspaviadajuć «Minsk-Naviny».
Ab praviadzieńni darožnych rabot kiroŭcam kažuć adpaviednyja darožnyja znaki.
Chutkaść ruchu transpartnych srodkaŭ na asobnych adrezkach vulicy abmiežavanaja da 40 km/h.
Pierad skryžavańniem z vuł. V. Charužaj, kali jechać z boku pr. Mašerava, prajeznaja častka značna zrušanaja ŭprava da žyłych damoŭ, choć raniej daroha išła pa pramoj linii.
U kiroŭcaŭ jość dva varyjanty: z treciaj pałasy paviarnuć naleva, na vuł. V. Charužaj, albo z hetaj ža pałasy jechać dalej pa vuł. M. Bahdanoviča. U hetym ža kirunku dazvoleny ruch pa pieršaj i druhoj pałosach.
Na skryžavańni z vuł. V. Charužaj z krajniaj pravaj pałasy možna pavaročvać u bok vuł. Kujbyšava, ź dźviuch inšych — praciahvać šlach prosta.
Z vuł. V. Charužaj pry ruchu ad vuł. Kujbyšava na skryžavańni z vuł. M. Bahdanoviča dazvolena tolki pavaročvać naprava. Adpaviedna, jechać prama i naleva praz skryžavańnie zabaroniena.
Pa-raniejšamu ruch usich vidaŭ transpartu zabaronieny pa vuł. M. Bahdanoviča, kali jechać z boku vuł. Kulman u kirunku vuł. V. Charužaj. Abjezd učastka arhanizavany pa vuł. Kulman, dzie časova dziejničaje adnabakovy ruch, z vyjezdam na vuł. Krapotkina i dalej na vuł. V. Charužaj i M. Bahdanoviča. Na praciahu doŭhaha času z vuł. M. Bahdanoviča ŭjezd zabaronieny na vuł. Kulman u kirunku vuł. Kujbyšava. Tam stajać bietonnyja błoki.
Badaj, samyja značnyja źmieny adbylisia ŭ rajonie pł. Banhałor. Na samoj płoščy, dzie jašče niadaŭna była zialonaja zona, poŭnym chodam viaducca ziemlanyja raboty. Zadziejničanaja budaŭničaja technika. Placoŭka aharodžanaja pa pierymietry płotam.
Bližej da pł. Banhałor rychtujecca abjaznaja daroha. Asfalt užo pakładzieny. Abstalavanyja raździalalnaja zona i tratuary, pastaŭleny apory aśviatleńnia. Robiać piešachodny pierachod.
Ciapier čytajuć
Vučebka ŭ Pskovie, abiacańnie anulavać kredyty i sudzimaści, ale ni słova pra samaje važnaje. Jak biełarusaŭ viarbujuć na vajnu6
Vučebka ŭ Pskovie, abiacańnie anulavać kredyty i sudzimaści, ale ni słova pra samaje važnaje. Jak biełarusaŭ viarbujuć na vajnu
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
A ciapier ujavicie, jak razburać usie vulicy ŭzdoŭž druhoha koła dziela budaŭnictva nikomu niepatrebnaj čaćviortaj linii, hoda hetak da 2050+.
Ale što jašče biantežić, dyk heta jak źbirajucca aŭtamabilistam pradavać heta: kali tramvaj naŭprost zabiraje dźvie pałasy, tak dziela miatra ž usio zakryvajecca, a druhoje koła pieršapačatkova zbudavana aŭtamabilnym, z małym dubliravańniem, i sa stancyjami pad skryžavańniami ŭžo nijakija abjezdy nie zdolny trymać tyja patoki, a roznyja Viaśnianki z Kuncaŭščynami dy Łošycami ŭvohule zmohuć tolki pa MKADu dabracca dadomu. P - płanavańnie (abo piłavańnie, jak pahladzieć)