Novyja videa: Kadafi vyvodziać z trub liŭnioŭki

Apublikavanyja novyja videa zachopu i transparciroŭki Kadafi. Pieršaje pakazvaje momant, kali jaho vyciahvajuć ź bietonnaj truby, jahonaha apošniaha prytułku. Jon jašče žvavy, sam čykilhaje, ale na hałavie ŭ jaho ŭžo mocna kryvić ahniastrelnaje ranieńnie:

Druhoje videa trochi paźniejšaje. Kadafi jašče žyvy, havoryć da svaich kanvairaŭ, krataje hałavu. Strata kryvi im vialikaja:

Pachavańnie zabitaha ŭ čaćvier u Sircie lidara livijskaj Džamachiryi Muamara Kadafi adkładziena na niekalki dzion, paviedamiŭ u piatnicu vice-premjer va ŭradzie Nacyjanalnaj pierachodnaj rady Livii Ali Tarchuni.

Pavodle jaho słoŭ, jon addaŭ rasparadžeńnie, u adpaviednaści ź jakim cieła zrynutaha livijskaha lidara budzie znachodzicca ŭ morhu ŭ Misracie ciaham niekalkich dzion z tym, «kab usie daviedalisia, što jon miortvy», pieradaje ITAR-TASS.

Na pytańnie ab tym, dzie i kali budzie pachavana cieła Kadafi, Tarchuni zajaviŭ Reuters: «Rašeńnie pa hetym pytańni pakul nie pryniata».

Praz sutki paśla zabojstva Muamara Kadafi praciahvajuć źjaŭlacca ŭsio novyja padrabiaznaści ab apošnich chvilinach žyćcia i ab pryčynach śmierci zrynutaha lidara Džamachiryi. Lekar, jaki ahladaŭ cieła, rastłumačyŭ, ad čaho mienavita pamior Kadafi, a žurnalisty adnačasova raźviedali, što eks-dyktatar skazaŭ revalucyjanieram, pierš čym pamior.

Ale adzinaj viersii hibieli Kadafi pa-raniejšamu niama.

U suviazi z hetym u Arhanizacyi Abjadnanych Nacyj siońnia zapatrabavali pravieści rasśledavańnie taho, što zdaryłasia ŭ Sircie. Isnujuć «kala čatyroch ci piaci viersij taho, jak jon pamior», pryznaŭ pres-sakratar upraŭleńnia Viarchoŭnaha kamisara AAN pa pravach čałavieka Rupiert Kołvił. «Nieabchodna rasśledavańnie, patrebna dadatkovaja infarmacyja dla taho, kab vyśvietlić, ci byŭ jon zabity padčas boju abo pakarany paśla pałonu», — cytuje Kołviła ITAR-TASS. Jon vykazaŭ vialikuju zaniepakojenaść pakazanymi pa telekanałach dvuma videazapisami, na adnym ź jakich Kadafi pakazany jašče žyvym, a na inšym — miortvym.

Pavodle niekatorych źviestak, złoŭleny i paranieny Muamar Kadafi da samaha kanca zaklikaŭ bajcoŭ Nacyjanalnaj pierachodnaj rady (NPR) Livii spynicca.

Paŭstancy zdoleli zachapić Muamara Kadafi žyŭcom, kali achova schavała jaho ŭ drenažnaj trubie. na momant zachopu pałkoŭnik ŭžo byŭ ciažka paranieny ŭ nohi i hałavu.

Muamara Kadafi pasadzili ŭ džyp i pasprabavali vyvieźci ŭ biaśpiečnaje miesca. Nieŭzabavie mašyna trapiła pad ahoń praciŭnikaŭ Kadafi. U hetaj pierastrełcy, jak śćviardžajuć novyja ŭłady krainy, eks-lidar i atrymaŭ śmiarotnyja ranieńni.

U NPR zapeŭnivajuć, što Kadafi byŭ zabity nienaŭmysna: likvidavać jaho nichto nie zahadvaŭ. Nie vyklučana, što jon zahinuŭ ad vypadkovaj kuli svaich ža abaroncaŭ.

Toj fakt, što Kadafi byŭ žyvy, kali jaho zachapili, paćviardžajuć amatarskija videazapisy ź miesca padziej. U noč paśla śmierci Kadafi livijskija ŭłady pakazali žurnalistam i dali sfatahrafavać jaho niežyvoje cieła, a taksama trup jaho syna Mutasima.

Miedyki dali svajo tłumačeńnie.

Śmiarotnaj stała kula, što zakranuła ŭnutranyja orhany,

«Potym była jašče adna kula ŭ hałavu, jana ŭvajšła jamu ŭ hałavu i vyjšła naskroź», — paviedamiŭ doktar Ibrahim Cika telekanału Al Arabiya.

• 0
• 0
• 0
• 0
• 0
• 0
• 0
• 0