U Rasiei hubernatar rascaniŭ słenhavaje «ftopku» jak «padrychtoŭku da zabojstva šlacham spaleńnia»

Kiraŭnictva Ŭładzimierskaj vobłaści Rasiei padało pazoŭ u sud na ŭdzielnikaŭ internet‑forumu kovrov.ru za paklop i abrazy. Udzielniki forumu ličać, što heta sproba uvieści ŭ rehijonie palityčnuju internet‑cenzuru. Siońnia —druhi dzień sudovaha raźbiralnictva.

Jašče ŭviesnu 2006 hodu kiraŭnik Uładzimierskaj vobłaści Mikałaj Vinahradaŭ padaŭ zajavu pra paklop i abrazy ŭ svoj adras u prakuraturu, milicyju dy FSB. Kiraŭniku rehijonu nie spadabałasia, jak na forumie horadu Kaŭrova Ŭładzimierskaj vobłaści abmiarkoŭvajuć dziejnaść rehijanalnaj administracyi. U abrazie adkaznaj asoby i paklopie padazravalisia piaciora ŭdzielnikaŭ. Śledčyja chutka vyśvietlili, chto piša na forumy, vyklikali ich na dopyty i navat skanfiskavali «pryłady złačynstva» — kamputary.

Pieršaj achviaraj palityčnaj internet‑cenzury staŭ pazaštatny ahladalnik hazety «Vładimirskij kraj» Dźmitry Tašłykoŭ. Jon vinavatym siabie nie pryznaje, dy j śledztva nie znajšło paklopu ŭ jahonych vykazvańniach. Tady spravu ŭsčali pa artykule «Abraza pradstaŭnika ŭłady».

«My peŭnyja, što vynieści abvinavaŭčy prysud u hetaj spravie budzie dastatkova składana, bo śledztva abapirajecca na asobnyja słovy, vyrvanyja z kantekstu», — paviedamiŭ adzin z udzielnikaŭ forumu Michaił. Pavodle jahonych słovaŭ, eksperty‑linhvisty dvojčy staranna vyvučyli kryŭdnyja vyrazy, ale tak i nie zmahli skazać, ci skiravanyja jany mienavita ŭ adras hubernatara. Zatoje eksperty dakładna vyśvietlili, što niekatoryja abrazy, jakija hubernatar vyrašyŭ prypisać svajoj personie, nasamreč skiravanyja ŭ adras inšych asobaŭ. Adnak kiraŭnik Uładzimierskaj vobłaści nia tracić nadziei i praciahvaje vyšukvać paklopy na siabie ŭ siecivie.

Jak ličyć Michaił, hetki dośvied baraćby ź inšadumstvam — vielmi niebiaśpiečny precedent. «Bo mova internet‑razmovaŭ užo nastolki svojeasablivaja, što ź jaje možna vyrvać luby vyraz i vykarystoŭvać suprać kaho zaŭhodna, — kaža Michaił. — Naprykład, vyražeńnie niaŭchvały «ftopku». Samaje prostaje jahonaje značeńnie — kinuć štości ŭ ahoń. Ale pa ŭkazańni vialikaha načalnika jano moža być vytłumačanaje jak padrychtoŭka da zabojstva šlacham spaleńnia».

Mikałaj Vinahradaŭ viadomy baraćbit z «svabodaj słova». Tolki ŭ 2004 hodzie hubernatar Uładzimierskaj vobłaści i jahonaja administracyja padali suprać miascovych niedziaržaŭnych drukavanych vydańniaŭ bolš za 20 sudovych pazovaŭ.

Hladzi jašče:
U Rasiei sudziać internaŭta za słovy «kacap» i «maskal»

• 0
• 0
• 0
• 0
• 0
• 0
• 0
• 0