Prezientacyja hramadskaha veb-archivu, aŭtaprabieh i tradycyjnaje šeście pad bieł-čyrvona-biełymi ściahami ŭ niadzielu.
U «Histaryčnaj majsterni» na vulicy Suchoj, 25 u Miensku 28 kastryčnika adbudziecca prezentacyja hramadzkaha veb-archivu «Vytoki», prymierkavanaja da dnia pamiaci prodkaŭ «Dziady».Aŭtaprabieh pa miescach pachavańnia achviaraŭ stalinskich represij i tradycyjnaje šeście ŭ Kurapaty taksama adbuducca na Dziady — 29 i 30 kastryčnika.
Veb-archiŭ «Vytoki», pryśviečany pamiaci represavanych, budzie prezentavany razam ź videaarchivam uspaminaŭ byłych viaźniaŭ HUŁAHu. Jaho sabrali sioleta zdymačnyja hrupy režysera Viktara Korzuna i aktyvistaŭ kampanii «Pakajańnie» arhkamitetu partyi «Biełaruskaja chryścijanskaja demakratyja», kaža aktyvistka kampanii Valeryja Čarnamorcava: «Zaraz my budziem prezentavać pieršuju častku hetaj pracy. My abjechali bolš za 20 viaźniaŭ HUŁAHu, fiksavali rečy, jakija zastalisia ź lahieraŭ. Asnoŭnaja meta stvareńnia hetaha archivu — heta stvaryć virtualny muzej savieckich represij u Biełarusi».
Taksama dnia pamiaci prodkaŭ «Dziady» pryśviečanaje naviedvańnie miescaŭ pachavańnia achviaraŭ stalinskich represijaŭ u Miensku, jakoje demakratyčnyja aktyvisty štohod ładziać 29 kastryčnika.Mienavita ŭ noč na 30 kastryčnika ŭ Miensku byli rasstralanyja bolš za 100 čałaviek ź liku biełaruskaj intelihiencyi: litaratary, nastaŭniki, navukoŭcy. Abjezd miescaŭ pachavańnia — u ich pamiać, kaža adna z arhanizatarak Hanna Šapućka: «Heta budzie adbyvacca ŭ vyhladzie aŭtaprabiehu. Buduć mašyny ad Kalvaryjskich mohiłak, dzie byli rasstralanyja ludzi, paśla Łošycki jar, pachavańni ŭ Traściancy, parku Čaluskincaŭ. A na zaviaršeńnie buduć Kurapaty. Tam budzie malitva, historyk i daśledčyk Ihar Kuźniacoŭ začytaje imiony rasstralanych, da kryžoŭ buduć uskładzienyja kvietki i zapalenyja śviečki».
jakoje ładzić Kanservatyŭna-chryścijanskaja partyja BNF. Akcyja pamiaci prachodzić štohod, pačynajučy z 1988 hodu, kaža namieśnik staršyni partyi Juraś Bieleńki: «Akcyja adbudziecca, padrychtoŭka idzie, ludzi pryjduć, daść Boh — usio budzie dobra, jak zvyčajna. My niasiem naš śviaty bieł-čyrvona-bieły ściah, niasiem kryžy. I žyvie Biełaruś, kali jość ludzi, jakija achviarujuć svaim vychodnym dniom, prychodziać i prachodziać hety šlach. Heta daje nadzieju na budučyniu».U niadzielu, 30 kastryčnika, z nahody «Dziadoŭ» u Miensku adbudziecca tradycyjnaje šeście ŭ Kurapaty,
Na niadzielu, 4 listapada, KCHP BNF zaplanavała pravieści taksama tradycyjnaje šeście da miesca pachavańnia achviaraŭ stalinskich represijaŭ u Łošycy. Adnak Mienharvykankam pakul nia daŭ dazvołu na praviadzieńnie akcyi.
Ciapier čytajuć
Kalekcyju karcin Viktara Babaryki raspradajuć ź vialikimi źnižkami. Ale biez samaha darahoha dla jaho tvora5
Kamientary