Piesimistyčny prahnoz Minekanomiki z rostam VUP 1,5% prajšoŭ pieršy etap uzhadnieńnia
Prezidyum Saŭmina Biełarusi na zakrytym dla presy pasiedžańni ŭ čaćvier u cełym uchvaliŭ piesimistyčny makraprahnoz, nakiravany na stabilizacyju nacyjanalnaj ekanomiki,paviedamlaje Interfax.by sa spasyłkaj na Minekanomiki RB.
«Hety makraprahnoz radykalna adroźnivajecca ad tradycyjnaj sistemy metavych makraekanamičnych pakazčykaŭ i źjaŭlajecca mienavita prahnozam pry adsutnaści zadańniaŭ pa abjomach pramysłovaj i sielskahaspadarčaj vytvorčaści. U cełym prajekt prahnozu ŭčora ŭchvaleny prezidyumam Savieta ministraŭ», — zajaviŭ pradstaŭnik Minekanomiki.
Jon padkreśliŭ, što asnoŭnaj metaj prahnozu raźvićcia ekanomiki Biełarusi na 2012 hod źjaŭlajecca źnižeńnie inflacyi da 19%. Pryrost VUP čakajecca na ŭzroŭni 1–1,5%, pry zabiaśpiečańni stanoŭčaha salda zamiežnaha handlu nie mienš za 3% VUP.
Jašče niadaŭna Minekanomiki nastojvała ŭ svaim makraprahnozie na tym, što rost VUP u 2012 hodzie nie pieravysić 0,5%. U suviazi z hetym imaviernaść źmieny dadzienaha pakazčyka ŭ bok pavyšeńnia vielmi vysokaja.
U prajekcie prahnozu adsutničajuć tradycyjnyja dla biełaruskaj madeli ekanomiki zadańni pa roście abjomaŭ pramysłovaj vytvorčaści i sielhasvytvorčaści, a taksama zadańnie pa roście inviestycyj u asnoŭny kapitał. Miž tym, urad stavić pierad saboj zadaču zabiaśpiečyć pryciahnieńnie ŭ 2012 hodzie nie mienš za $ 3,7 młrd niepasrednych zamiežnych inviestycyj na čystaj asnovie, u tym liku $ 2,5 młrd ad pryvatyzacyi dziaržułasnaści.
Kamientary