Žychary vystupajuć suprać budaŭnictva palihonu dziela ačyščeńnia zabrudžanaha naftaju hruntu.
Žychary Navapołacka vystupajuć suprać budaŭnictva palihonu dziela ačyščeńnia zabrudžanaha naftaju hruntu. Palihon musić źjavicca mienš jak za kiłamietr ad žyłych damoŭ mikrarajonu Baravucha.
Dzialanku ziamli dla pradpryjemstva ačyščeńnia zabrudžanaha naftaju hruntu pieradali tavarystvu z dadatkovaju adkaznaściu «Vicień» na rašeńnie Viciebskaha abłvykankamu sioleta ŭ sakaviku.
Pavodle dyrektara, palihon patrebny, bo ciapier tolki na «Naftanie» sabrałasia 224 000 tonaŭ hruntoŭ, jakija treba ačyščać ad naftapraduktaŭ.
Na palihon taksama trapić hrunt z pradpryjemstvaŭ «Družba» i «Palimir».
Pałačanie nastrojenyja kateharyčna — nie dapuścić budaŭnictva. «My patrabavali niezaležnaj ekałahičnaj ekśpiertyzy, ale nichto jaje nie pravioŭ, — kaža miascovaja žycharka Lilija Voranava. — Navošta zabrudžany hrunt z Navapołacku vieźci ŭ Połack, kab ačyścić? Čamu nielha rabić hetaha na miescy? Ni ŭłady, ni kiraŭnictva „Vicienia“ nie adkazvajuć na hetyja pytańni».
Aproč taho, terytaryjalnyja orhany Ministerstva nadzvyčajnych situacyjaŭ u Połacku i Navapołacku nie davali dazvołu na vydavańnie ziamiel dla palihonu. Heta paćvierdziŭ načalnik Połackaha haradskoha adździełu nadzvyčajnych situacyjaŭ Fiodar Šarkoŭ.
Namieśnik načalnika Navapołackaha haradskoha adździełu nadzvyčajnych situacyjaŭ Siarhiej Žukaŭ adznačaje: «Naftan», «Družba» i «Palimir» ačyščajuć hrunty samastojna. U ich jość dziela hetaha šłamanakaplalniki. My razmaŭlali z admysłoŭcami na hetych pradpryjemstvach — nieabchodnaści dadatkova ačyščać hrunt niama».
Varta adznačyć, što
TDA «Vicień» užo budavała padobny palihon u Małaryckim rajonie. Adnak jon byŭ zakryty amal adrazu paśla źjaŭleńnia —Pałačanie taksama nastrojenyja kateharyčna i hatovyja pratestavać i pierakryvać darohi, tolki kab pobač ź ichnymi damami nie źjaviŭsia škodny dla zdaroŭja i navakolla palihon.z-za pratestaŭ miascovaha nasielnictva.
Kamientary