Transpart rasiejskaj nafty praź Biełaruś u Eŭropu padaražeje ŭ 8,5 razoŭ
Niamała, ale heta ŭsio adno ŭdvaja mieniej, čym znakamitaje biełaruskaje tranzytnaje myta na rasiejskuju naftu
Ministerstva ekanomiki ŭstalavała taryfy pa tranzytnamu transpartu nafty praz systemu mahistralnych trubapravodaŭ RUP «Homieltransnafta Družba» i Navapołackaha RUP pa transpartu nafty «Družba» praz terytoryju Respubliki Biełaruś.
Pavodle pastanovy ad 31 studzienia 2007 h. № 26, taryf na pasłuhi pa tranzycie nafty biez PDV maršrutam «Unieča (Vysokaje)—Adamava zastava» — 3,5 dalaraŭ za tonu na 100 km, «Unieča (Vysokaje)—Brody» — 1,5 dalary.
Maršrutami «Vysokaje—Połacak—AT «Ventśpiłs Nafta», «Vysokaje—Połacak—AT «Miažejku Nafta» i «Vysokaje—Połacak—AT «Miažejku Nafta» (dla terminału Butynhie) taryf 2,96 dalaraŭ za tonu.
Maršrutami «Nieviel—Połacak—AT «Ventśpiłs Nafta», «Nieviel—Połacak—AT «Miažejku Nafta» i «Nieviel—Połacak—AT «Miažejku Nafta» (dla terminału Butynhie) — 1,26 dalary za tonu.
Razam z tym dziejnyja na siońnia taryfy na tranzytny transpart nafty praz terytoryju Biełarusi byli ŭzhodnienyja ź Minpaliŭenerha Rasiei jašče ŭ śniežni 1995 h. u dalarach ZŠA i z taje pary nie mianialisia: jany składajuć 0,41 USD za tonu na 100 km u napramku da zachodniaj miažy Biełarusi (Adamava Zastava), 0,53 USD — na miažy z Ukrainaj i 0,60 USD — u napramku Butynhie—Mažejkiaj.
U siarednim taryfy na prapampoŭvańnie rasiejskaj nafty padvysilisia ŭ 5 razoŭ. Praciahłaść Biełarusi z zachadu na ŭschod — 650 km, značycca, uziaŭšy dla prykładu samy vysoki taryf 3,5 USDch6,5, atrymaje 22,75 USD za transpart adnoj tony nafty z uschodu na zachad. Niamała, ale heta ŭsio adno ŭdvaja mieniej, čym znakamitaje biełaruskaje tranzytnaje myta na rasiejskuju naftu, uviedzienaje treciaha dnia novaha hodu zadnim čysłom z 1 studzienia, što spryčyniłasia da pierapynku prapampoŭvańnia nafty praz naftapravod.
Adznačym, što zhadanyja taryfy pačynajuć dziejničać z 15 lutaha 2007 h. Značycca, rasiejski bok atrymaŭ dastatkova času dla padrychtoŭki da pierachodu na «rynkavyja» ŭmovy prapampoŭvańnia nafty praz terytoryju bratniaje krainy.
Ciapier čytajuć
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie8
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3535
Kamientary