D.Kramier: Łukašenka ŭjaŭlaje pahrozu dla niezaležnaści krainy i jaje ludziej.
Nieabchodna pašyrać ekanamičnyja sankcyi ŭ dačynieńni Biełarusi i jak maha chutčej.
Alaksandr Łukašenka ŭjaŭlaje pahrozu dla niezaležnaści svajoj krainy, tamu nieabchodna pašyrać ekanamičnyja sankcyi ŭ dačynieńni da hetaj krainy, śćviardžaje kiraŭnik niaŭradavaj arhanizacyi Freedom House David Kramier.
«Łukašenka — heta pahroza. Jon ujaŭlaje pahrozu dla ludziej Biełarusi, ich niezaležnaści», — skazaŭ jon u paniadziełak na kanfierencyi ABSIE ŭ Vilni.
«Ja miarkuju, što dla ZŠA i ES vielmi važna rabić dadatkovyja kroki pa ŭžyćci ekanamičnych sankcyj. I rabić heta jak maha chutčej.
Pierad tym, jak A. Łukašenka pradaść krainu Rasii (…) My bačym, što dla taho, kab zastacca va ŭładzie A. Łukašenki achviaruje niezaležnaściu krainy»,— śćviardžaje jon.
Jon vykazaŭ škadavańnie ab tym, što Rasija vyrašyła padtrymać biełaruski režym, choć jon spadziavaŭsia, što jana hetaha nie zrobić.
«10 młrd. dalaraŭ na fiktyŭnuju AES, miljardy dalaraŭ enierhietyčnych subsidyj, pazyk. Na žal, heta krok nazad, tamu jak, na maju dumku, A. Łukašenka z uźniknieńniem ekanamičnaha kryzisu apynuŭsia na taniutkim lodzie, jaki sam i stvaryŭ. Na žal, zdajecca, lidary ŭ Maskvie dajuć jamu dapamohu», — kazaŭ D. Kramier.
Pavodle jaho słoŭ, cisk i sankcyi — adziny sposab supracoŭnictva, jaki zrazumieły A. Łukašenka.
«My pavinny zrazumieć, što jon bolš nie moža viarnuć svajo dobraje imia,
jon nie paviadzie Biełaruś u demakratyčnuju budučyniu. Jon — pieraškoda dla Biełarusi na šlachu stanaŭleńnia členam jeŭrapiejskaj siamji(…) Patrabavańnie absalutnaha i biezumoŭnaha vyzvaleńnia palitviaźniaŭ — nieabchodnaja ŭmova pierad
Adnak kiraŭnik FH pryznaŭ, što z pašyreńniem ekanamičnych sankcyj u dačynieńni da Biełarusi mohuć paciarpieć i prostyja hramadzianie hetaj krainy.
«(…) U peŭny momant hetyja sankcyi pavinny adbicca i na prostych biełarusach dla taho, kab cisk źjaviŭsia i źnizu.
Adnak asnoŭnaja meta hetych sankcyj nie prostyja žychary Biełarusi», — kazaŭ jon.
U toj ža čas jon padkreśliŭ i važnaść publičnaj dypłamatyi, pakolki ŭźnikaje niebiaśpieka, što Biełaruś rasčarujecca ŭ Zachadzie, kali asabista adčuje ŭździejańnie ekanamičnych sankcyj.
«Ryzyka jość zaŭsiody.
Tamu vielmi važna, kab palityka sankcyj supravadžałasia jasna publičnaj dypłamatyjaj, jakaja pajaśniała b, što hetyja sankcyi nakiravanyja na režym.My viedajem, što nastupstvy mohuć adčuć ludzi Biełarusi, ale heta nie asnoŭnaje ŭździejańnie, na jakoje my spadziajemsia», — skazaŭ jon.
***
U 2005–2007 hadach Kramier zajmaŭ pasadu pamočnika namieśnika dziaržsakratara ZŠA pa Jeŭropie i Jeŭrazii, kuryravaŭ palityku ŭ dačynieńni da Biełarusi, Małdovy, Rasii, Ukrainy, a taksama pytańni nieraspaŭsiudžańnia jadziernaj zbroi.
Na hetaj pasadzie jon niekalki razoŭ naviedvaŭ Biełaruś i pravodziŭ pieramovy z vysokapastaŭlenymi biełaruskimi čynoŭnikami ab vyzvaleńni palitźniavolenych.
U 2007–2009 hadach Kramier byŭ namieśnikam dziaržsakratara ZŠA pa pytańniach demakratyi, pravoŭ čałavieka i pracy.
Kamientary