«Praz vybary narod daje ŭładu, praz vybary narod maje prava jaje zabrać».
«Za kožnym dziejańniem suprać našaj krainy stajać kankretnyja varaciły ź vialikimi hrašovymi miaškami, z samaj sučasnaj zbrojaj, u tym liku ŚMI», — zajaviŭ Alaksandr Łukašenka,vystupajučy 9 śniežnia na źjeździe Biełaruskaha respublikanskaha sajuza moładzi ŭ Minsku.
Pavodle jaho słoŭ, takimi dasiahnieńniami, jak internet, karystajucca ŭsie, u tym liku «zavadatary buntaŭ, kampjutarnyja machlary i terarysty». «Tamu my pavinny abaraniać našy sietki, jak heta robiać va ŭsich krainach śvietu, ad chakieraŭ, terarystaŭ i pahromščykaŭ. I ja rady, što heta dumka prahučała ŭ vystupleńniach delehataŭ źjezda».
Jon zaznačyŭ: kali «śpiecsłužby peŭnych krain pasprabavali razharnuć hetak zvanuju revalucyju praz sacyjalnyja sietki, my znajšli sposaby supraćstajać im, ničoha nie pierakryvajučy ŭ internecie». «Na vudu pravakataraŭ klunuli niamnohija. I ŭ nastupnym usie pavinny viedać: kali na nas učyniać napad — my budziem abaraniacca. I paviercie, zdolejem siabie abaranić», — padkreśliŭ kiraŭnik dziaržavy.
Jon zhadaŭ Viačasłava Dzijanava jak adnaho z administrataraŭ
Bunt i revalucyja, pavodle jaho słoŭ, — heta «nie źmiena ŭłady, a razbureńnie dziaržavy». «Na žal, harmatnym miasam luboj smuty zaŭsiody była moładź. Lalkavody nikoli nie ŭzłazili na barykady. Jany vyšturchoŭvali maładych i potym na ich kryvi rabili svoj biźnies», — skazaŭ Łukašenka.
U Biełarusi, padkreśliŭ jon, jość prosty sposab pamianiać uładu i prezidenta — vybary. «Praz vybary narod daje ŭładu, praz vybary narod maje prava jaje zabrać. Kožnaja revalucyja pačynajecca z cudoŭnych słoŭ i zaŭsiody zakančvajecca hrandyjoznym padmanam»
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary