Dziasiatki tysiač u Maskvie patrabavali źmieny režymu

Udzielniki vialikaha mitynhu ŭ Maskvie 10 śniežnia vyznačyli piać patrabavańniaŭ uładam:

Jany majuć namier sabrać nastupny mitynh 24 śniežnia.

Rasijskija telekanały Pieršy kanał, «Rasija 1» i NTV pakazali pieršymi siužetami ŭ vynikovych vypuskach svaich subotnich navin repartaž ź mitynhu rasijskaj apazicyi na Bałotnaj płoščy paśla rasparadžeńnia prezidenta Dźmitryja Miadźviedzieva, paviedamili krynicy ŭ Kramli.

Taksama Miadźviedzieŭ rasparadziŭsia, kab palicyja viała siabie z apazicyjaj u subotu miakka.

Sapraŭdy,

palicyja nie zatrymała nivodnaha ŭdzielnika mitynhaŭ u subotu, a televiadučyja Kaciaryna Andrejeva, Siarhiej Bryloŭ i Alaksiej Pivavaraŭ pačali vypuski svaich vynikovych infarmacyjnych pieradač na «Pieršym», «Rasiei 1» i NTV ź siužetaŭ ab šmattysiačnym mitynhu ŭ Maskvie suprać falsifikacyj na vybarach u Dziarždumu.

Svajo staŭleńnie da mitynhu Miadźviedzieŭ vykazaŭ, budučy ź vizitam u Prazie. Jon skazaŭ, što hramadzianie majuć prava vykazvać svaju pazicyju, u tym liku praź mitynhi, ale «ŭsio mitynhi pavinny pravodzicca ŭ stroha vyznačanych miescach u strohaj adpaviednaści z zakonam». U toj ža čas jon zaŭvažyŭ, što nie bačyć u mitynhach ničoha nienaturalnaha.

Dla paraŭnańnia: biełaruskaje TV ni razu za 17 hadoŭ nie davała abjektyŭnych repartažaŭ ź mitynhaŭ apazicyi.

Anłajn pavodle rasijskich veb-sajtaŭ.

Apazicyja dała ŭłady dva tydni na vykanańnie vyłučanych umoŭ. Novaja data mitynhu pryznačanaja na 24 śniežnia.

15:55

Mitynh radykalnaj apazicyi na płoščy Revalucyi ŭ Maskvie skončyŭsia, jaho arhanizatar Eduard Limonaŭ, jaki nie padtrymaŭ pieranosu mitynhu na Bałotnuju płošču, bieśpieraškodna pakinuŭ miesca praviadzieńnia akcyi. Kala 100 nacbołaŭ pakinuli skvier la pomnika Karłu Marksu i rušyli ŭ bok Bałotnaj płoščy.

15:29

Staršynia partyi «Jabłyk» Siarhiej Mitrochin, vystupajučy na ​​mitynhu na Bałotnaj płoščy ŭ Maskvie, zapatrabavaŭ admieny vynikaŭ vybaraŭ i zaklikaŭ adnadumcaŭ vyjści na nastupny mitynh u subotu, 17 śniežnia, na Puškinskaj płoščy.

Na mitynhu zaŭvažana dziejačka rasijskaj estrady Ksienija Sabčak.

15:25

U Pieciarburhu adbylisia sutyknieńni demanstrantaŭ z palicyjaj. Zatrymana 10 čałaviek. Siońnia taksama prajšli mitynhi salidarnaści ŭ Łondanie i Stakholmie.

14:54

U Sankt-Pieciarburhu na Pijanierskaj płoščy prachodzić mitynh, u jakim udzielničaje niekalki tysiač čałaviek. Ludzi pryjšli ź biełymi stužkami, biełymi kvietkami. Łozunhi samyja roznyja, u tym liku «Pucin, sychodź». Bolš za ŭsio tych, chto sabraŭsia spadabaŭsia łozunh «Rasija bieź JedRa». Atmaśfiera mirnaja. Da hetaha mitynhoŭcy prajšli maršam ad płoščy Paŭstańnia da Pijanierskaj, nie sustreŭšy nijakich pieraškod. Zatrymanych byli adzinki.

14:51

Hrupa maładych ludziej, jakija dałučylisia da mitynhu na Bałotnaj płoščy zapaliła fajery.

14:41

U mitynhu ŭdzielničajuć dziasiatki tysiač ludziej. Palicyja acaniła kolkaść udzielnikaŭ u 25 tysiač, arhanizatary nazyvajuć ličbu 100 tysiač. Stolki ludziej rasiejskaja apazicyja na svaje mitynhi jašče nikoli nie źbirała.

14:34

U Kazani na płoščy Svabody sabrałasia, pavodle acenak pravaachoŭnych orhanaŭ, kala 200 čałaviek.

14:31

Sustaršynia niezarehistravanaj partyi Partyi narodnaj svabody Barys Niamcoŭ, vystupajučy na ​​mitynhu na Bałotnaj płoščy, zapatrabavaŭ adstaŭki staršyni Centrvybarkama Uładzimira Čurava. «Čurava — u adstaŭku!» — Praskandavali Niamcoŭ, i, jak paviedamlajuć karespandenty, jaho łozunh padchapili jakija sabralisia na płoščy na ​​šmattysiačny mitynh. Niamcoŭ taksama zaklikaŭ da adstaŭki kiraŭnictva Rasiei i zapatrabavaŭ nieadkładnaj admieny vynikaŭ vybaraŭ.

13:38

Pa słovach karespandenta bbcrussian.com Illi Abišava, z Tryumfalnaj płoščy ŭ bok Bałotnaj paviała jašče adnu kałonu demanstrantaŭ Jaŭhienija Čyrykava. U toj ža čas la pomnika Karłu Marksu sabraŭ svaich prychilnikaŭ Eduard Limonaŭ.

13:30

Mitynh na Bałotnaj płoščy ŭ Maskvie pačaŭsia. Lik jaho ŭdzielnikaŭ, pavodle acenak karespandenta bbcrussian.com Juryja Małavierjana, pieravyšaje 30 tysiač.

13:24

Niekalki čałaviek užo zatrymanyja na Płoščy Paŭstańnia ŭ Sankt-Pieciarburhu. Zatrymańni praciahvajucca. Palicyja zaklikaje tych, chto sabraŭsia pakinuć Płošču Paŭstańnia, pierajści da Pijanierskaj płoščy. Na miescy praviadzieńnia mierapryjemstva sabralisia bolš za tysiaču čałaviek. Raniej paviedamlałasia, što arhanizataram akcyi ŭdałosia dasiahnuć vusnaj damoŭlenaści z uładami horada ab tym, što na Płoščy Paŭstańnia zatrymańniaŭ i aryštaŭ nie budzie.

13:10

Arhanizatary mitynhu na Bałotnaj płoščy ŭ Maskvie vyrašyli pačać akcyju paźniej raniej zapłanavanaha času, pieradaje RIA Naviny. Pa słovach karespandenta Bi-bi-si, maskoŭskaja palicyja ŭstanaviła dla propusku udzielnikaŭ mitynhu 13 ramak mietałašukalnikaŭ. Nadhlad prachodzić chutka, arhanizavana.

13:05

U Archanhielsku mitynh pratestu suprać vynikaŭ vybaraŭ u Dziarždumu sabraŭ kala 600 čałaviek, paviedamlaje Interfaks sa spasyłkaj na rehijanalnaje ŭpraŭleńnie MUS. Udzielniki akcyi pieršapačatkova sabralisia na adnoj z centralnych płoščaŭ horada — płoščy Lenina, adnak z-za taho, što miesca nie było ŭzhodniena z haradskimi ŭładami, jany pieramiaścilisia na płošču Prafsajuzaŭ.

13:00

Na Bałotnaj płoščy ŭ Maskvie sabrałasia nie mienš čym 15 tysiač čałaviek, udakładniaje karespandent Bi-bi-Si. Narod chutka prybyvaje. Arhanizatary sa sceny źviarnulisia da sotniaŭ ludziej z prośbaj spuskacca z Łužkova masta na nabiarežnuju. Ludzi iduć z boku Ardynki i Piatnickaj sucelnym patokam.

13.00

Dostup da mnohich rasijskich sajtaŭ uskładnieny praź vializnuju kolkaść naviednikaŭ, ale nie błakavany. Stała viadoma, što «Novaj hazietie», naprykład, adklučyli elektryku. Jak pieradajuć infarmacyjnyja ahienctvy, a 13-j hadzinie na Bałotnaj płoščy sabralisia ŭžo tysiačy ludziej. Ludzi padciahvajucca da płoščy z boku płoščy Revalucyi.

* * *

Siońnia, 10 śniežnia, u stalicy Rasii, na Bałotnaj płoščy, pavinien prajści maštabny mitynh apazicyi, jakaja patrabuje svabodnych vybaraŭ i pratestuje suprać falsifikacyj na vybarach u Dziaržaŭnuju dumu, na jakich pieramahła «Adzinaja Rasija». Zajaŭlenaja kolkaść udzielnikaŭ da 30 tys. Śviet uraziŭsia šmattysiačnymi mitynhami 6 i 7 śniežnia —

takoha ŭ Maskvie nie było ad 1993 hoda.

Mitynhi i šeści pravodziaćcia ad 5 śniežnia ŭ roznych haradach Rasii, a ich udzielnikaŭ razhaniaje palicyja.

Situacyja nahadvaje biełaruskuju: aryšt i sutki udzielnikam, zatrymańni žurnalistaŭ, prapahanda na aficyjnych telekanałach.

Ułady robiać previentyŭnyja zachady dla zastrašvańnia i siońnia. Tak, dziasiatki hruzavikoŭ ŭnutranych vojskaŭ z rehijanalnymi numarami Paŭnočnaj Asiecii siońnia z ranicy znachodziacca na Bałotnaj płoščy. Taksama pobač z płoščaj dziažurać aŭtobusy i aŭtamabili palicyi. U piatnicu hałoŭny sanitarny doktar Rasii Hienadź Aniščanka, viadomy svaimi zabaronami na biełaruskaje małako i hruzinskuju minieralnuju vadu, vystupiŭ z zajavoj, u jakoj nie rekamiendavaŭ ludziam chadzić pa mitynhach, bo tam možna «chutka zarazicca hrypam». U škołach na 10 śniežnia pryznačana ahulnaja kantrolnaja rabota, kab zaścierahčy školnikaŭ ad pachodu na palityčnyja akcyi.

Mitynh maje raspačacca, a 13-j pa minskim časie.

Siarod palitykaŭ majuć vystupić jak libierały, tak i kamunisty, a taksama deputaty ad «Spraviadlivaj Rasii».

Arhanizatar mitynhu 6 śniežnia błohier Alaksiej Navalny zastajecca pad aryštam.

Asnoŭnymi patrabavańniami stanuć vyzvaleńnie ŭsich palitviaźniaŭ jak aryštavanych u chodzie šeścia ŭ Maskvie 5 śniežnia, tak i zatrymanych raniej, u tym liku Michaiła Chadarkoŭskaha; abviaščeńnie novych vybaraŭ u Dziarždumu, paŭnavartasny dopusk na ich apazicyi i pieranos na bolš poźni termin prezidenckich vybaraŭ. Zajaŭlenaja kolkaść udzielnikaŭ — da 30 tys.

Važny momant, što rasijskaja apazicyja ŭśviedamlaje: nie moža być pośpiechu biez adzinstva dziejańniaŭ usiaho śpiektru partyj. Upieršyniu razam vystupajuć pradstaŭniki roznych palityčnych siłaŭ. I charakterna, što ni Ziuhanaŭ, ni Žyrynoŭski, ni Mironaŭ, lidary psieŭdaapazicyi ŭ Dumie, na mitynh nie źbiralisia.

Źjaviłasia infarmacyja, što žurnalist NTV Alaksiej Pivavaraŭ admoviŭsia ad subotniaha viečarovaha efira NTV, kali nie budzie repartažu pra siońniašni mitynh na Bałotnaj. Kiraŭnictva NTV hetu infarmacyju abvierhła.

Tym časam na pasiadžeńni ŭ piatnicu Centralnaj vybarčaj kamisii ŭ Maskvie byli zaćvierdžanyja vyniki vybaraŭ u Dziaržaŭnuju Dumu, jakija pryznanyja kančatkovymi i sapraŭdnymi.

Pavodle kančatkovych dadzienych CVK, u Dziarždumu 6-ha sklikańnia prajšli čatyry partyi — «Adzinaja Rasija», KPRF, «Spraviadlivaja Rasija» i ŁDPR. «Adzinaja Rasija» atrymaje ŭ Dziarždumie 238 deputackich mandataŭ z 450, KPRF — 92, ŁDPR — 56, «Spraviadlivaja Rasija» — 64 mandaty. Jaŭka skłała 63,47%.

Na dumku apazicyi, realny vynik «Adzinaj Rasii» našmat mienšy.

• 0
• 0
• 0
• 0
• 0
• 0
• 0
• 0