Dziaržorhanam prapanavali abmierkavać dekłaracyju ab movie i nacyjanalnaj samaidentyčnaści

Hramadzianskaja inicyjatyva «Instytut nacyjanalnaj pamiaci» prapanavała dziaržorhanam abmierkavać dekłaracyju ab biełaruskaj movie, nacyjanalnaj samaidentyčnaści i samavyznačeńni,

Pa jaho słovach, dekłaracyja, padrychtavanaja viadomymi navukoŭcami, tvorčymi i hramadskimi dziejačami, była pryniataja na pasiedžańni inicyjatyvy 4 listapada 2011 u Minsku. «Jaje meta — pavysić razumieńnie biełarusaŭ u pytańniach movy i samaidentyčnaści, padšturchnuć da vyrašeńnia ŭ hramadstvie pytańniaŭ, źviazanych z pašyreńniem vykarystańnia biełaruskaj movy», — skazaŭ Jakavienka.

Piśmieńnik adznačyŭ, što biełaruskaja mova katastrafična stračvaje svaje pazicyi movy tytulnaj nacyi i ŭžo adniesienaja JUNIESKA da movaŭ, jakija źnikajuć. «Stračvajecca nacyjanalnaja identyčnaść naroda i dziaržavy. Usio heta abaročvajecca ŭ hramadstvie raspadam kulturnych tradycyj, strataj patryjatyčnych pačućciaŭ, sistemnaj emihracyjaj najbolš zdolnych asobaŭ, razbureńniem hienafondu, biezduchoŭnaściu, što, narešcie, niasie surjoznuju pahrozu suvierenitetu našaj krainy», — ličyć jon.

U dekłaracyi havorycca, što biełaruskaja mova i nacyjanalnaja samaidentyčnaść u krainie niepadzielnyja, tamu «kali narod choča zachavać i nasić svajo imia, zachavacca sam, jon pavinien abaraniać rodnuju movu, vyvučać i karystacca joj». Akramia taho, «tytulnaja mova dziaržavy, źjaŭlajučysia krynicaj patryjatyzmu, duchoŭna ŭzbrojvaje narod i vystupaje nadziejnym zachavalnikam i abaroncam suvierenitetu krainy».

Na dumku składalnikaŭ dekłaracyi, palityka dziaržavy musić budavacca z «biezumoŭnaj aryjentacyjaj na zachavańnie i raźvićcio sapraŭdnych nacyjanalnych kaštoŭnaściaŭ, i pierš za ŭsio movy naroda, jakaja robić čałavieka śviadomym patryjotam svajoj krainy, mabilizuje jaho duchoŭnyja i tvorčyja siły na vysakarodnyja ŭčynki i ździajśnieńni».

Jakavienka paviedamiŭ, što teksty dekłaracyi ŭžo razasłanyja ŭ Administracyju prezidenta, Saviet ministraŭ, Akademiju navuk, Ministerstva infarmacyi, u abłasnyja i haradskija vykankamy, univiersitety. «Ja nie ciešu siabie dumkaj, što va ŭładzie adrazu niešta zrobiać, ale chaj čytajuć, vyvučajuć. Narod razumieje nieabchodnaść zachavańnia i raźvićcia svajoj rodnaj movy, ale heta nie zaŭsiody znachodzić padtrymku naviersie», — skazaŭ jon.

• 0
• 0
• 0
• 0
• 0
• 0
• 0
• 0