Prajekt biudžetu na nastupny hod praduhledžvaje vyłučeńnie na biełaruskuju adukacyju značna mienšych srodkaŭ paraŭnalna z papiarednimi hadami.Hrošaj na adukacyju stanie mieniej nie tolki ŭ valutnym ekvivalencie, ale i ŭ pracentach da ŭsich zdabytych dziaržavaj hrošaj.
Pavodle infarmacyi BiełTA, u biudžecie Biełarusi, što na minułym tydni byŭ pryniaty parłamientam u pieršym čytańni, na adukacyjnyja raschody adviedziena Br23,8 trłn. albo 4,67% VUP. Apošni pakazčyk va ŭmovach devalvacyi, a taksama pavodle mižnarodnych standartaŭ źjaŭlajecca najbolš pradstaŭničym i musić demanstravać uvahu dziaržavy da adukacyi. Miž tym, jak vynikaje z paraŭnańnia adukacyjnych raschodaŭ ź minułymi hadami, uvahi toj z časam dastajecca ŭsio mieniej i mieniej.
Tak, u 2006 hodzie dziaržava vydatkavała na biełaruskuju adukacyju 6,1% ad VUP, u 2008 vydatki skaracilisia da 5,1%, a ŭ 2009 jany pastavili svojeasablivy antyrekord, «dasiahnuŭšy» 4,5% ad VUP (chacia Łukašenka abiacaŭ tady vyłučyć na adukacyju 10%).
U minułym hodzie situacyja trochi palepšyłasia — vydatki ŭzraśli da 5,1%, adnak ciapierašni kryzis i devalvacyja, hledziačy pa ŭsim, čarhovy raz udaryli ŭ pieršuju čarhu pa adukacyi — jaje finansavańnie skaračajuć da 4,67% ad VUP, ci na 9%.
U 2011 hodzie ž vydatki na adukacyju ŭvohule abiacali pavialičyć na tracinu da Br11 młrd. Ale kolki heta paśla trochrazovaha abiasceńvańnia rubla — skazać vielmi ciažka. U lubym vypadku, hod jašče nie zavieršany, a VUP — nie padličany, tamu rabić vysnovy zarana.
Budučaje skaračeńnie adukacyjnych vydatkaŭ — tolki častka šerahu pierahladaŭ finansavańnia hetaj śfiery ŭ mienšy bok.Tak, hod tamu Ministerstva adukacyi zapatrabavała ad VNU terminova «pradstavić prapanovy pa skaračeńni raschodaŭ respublikanskaha biudžetu». Skaračeńnie tłumačyłasia «praviadzieńniem ŭdakładnieńnia pakazčykaŭ respublikanskaha biudžetu». Univiersitetam daviałosia admovicca ad niekatorych navukovych daśledavańniaŭ, kamandzirovak, u tym liku za miažu, ramontu, navukovych kanfierencyj, zakupki dadatkovaha abstalavańnia. A potym Łukašenka zajaviŭ, što vydatki na navuku varta skaracić na tracinu. Mabyć, vyniki realizacyi hetaj idei adabjucca i na adukacyi.
Zrazumieć, jaki ž u Biełarusi ciapier VUP, — zadača nie ź lohkich. Ad taho luboje paraŭnańnie moža vyhladać niekarektnym. Ekanamist Jarasłaŭ Ramančuk nazyvaje raźlik VUP biełaruskim uradam «mietadałahičnym fokusam». U rublach VUP składzie prykładna 265 trłn. Pavodle ŭrada, heta kala $58 młrd, ale ž kali ličyć pa rynkavym kursie
Zrešty, pa pakazčyku finansavańnia adukacyi adnosna VUP Biełaruś za apošnija hady nikoli nie była lidaam u rehijonie. Siarod krain SND nas ź ciaham času pačała abychodzić Małdova (9,6% u 2009 hodzie i 8,2% u 2008), a taksama Kirhizija (5,9% u 2008 hodzie i 6,5% u 2007 hodzie). Va Ukrainie hety pakazčyk składaŭ 5,3% u 2007 hodzie, što, adnak, na toj momant było nižej, čym u Biełarusi (5,7%).
Zvyčajna bolej za 5% ad VUP vydatkoŭvajuć na adukacyju krainy Zachadu. U skandynaŭskich krainach hety pakazčyk vyšejšy za 6%, a ŭ Isłandyi ŭvohule za 7%.
Kamientary