Karupcyjny skandał u karaleŭskaj siamji
Ziać ispanskaha karala raskradaŭ dziaržaŭnyja hrošy, pryznačanyja na padtrymku sportu.
U Ispanii razhareŭsia skandał, źviazany z karaleŭskaj siamjoj. Havorka idzie ab finansavych parušeńniach, dapuščanych mužam infanty Kryściny, małodšaj dački karala.
Z padobnymi niepryjemnaściami ispanskamu manarchu Chuanu Karłasu nie davodziłasia sutykacca za ŭsie 36 hadoŭ svajho praŭleńnia.
«Najvyšejšaha» ziacia zavuć Ińjaki Urdanharyn, pa pachodžańni jon bask, pa prafiesii — handbalist. U siaredzinie
Paśla viasiella Urdanharyn pasialiŭsia z žonkaj u Barsiełonie, dalej ad madrydskaha karaleŭskaha dvara, i spačatku pavodziŭ siabie ścipła — rabiŭ pakupki ŭ bližejšych ad chaty kramach, zachodziŭ u miascovyja bary, kab vypić kavy, prapuścić čaračku i zakusić, mieŭ znosiny z narodam, kataŭsia na rovary, a pa niadzielach chadziŭ u carkvu. Adnak praź niekatory čas siamja pierajechała z adnosna ścipłaj kvatery ŭ ścipłym rajonie ŭ raskošny asabniak płoščaj u 1200 kvadratnych mietraŭ i koštam u šeść miljonaŭ jeŭra. Adkul u maładoha čałavieka takija hrošy?
Ispanskija pravaachoŭnyja orhany vyjšli na Urdanharyna vypadkova. Jany rasśledavali finansavyja złoŭžyvańni, dapuščanyja rehijanalnaj administracyjaj Balearskich vyspaŭ, i niečakana vyjavili šerah dakumientaŭ, jakija kampramietujuć karaleŭskaha ziacia.
Złoŭžyvańnia pačalisia paśla taho, jak
Urdanharyn uznačaliŭ farmalna niekamiercyjnuju hramadskuju strukturu pad nazvaj «Instytut Noos». U jaho funkcyi ŭvachodziła spryjać raźvićciu sportu, na što pavinny byli iści dobraachvotnyja pastupleńnia ad dziaržaŭnych ustanoŭ i pryvatnych sponsaraŭ, a taksama dachody, atrymanyja ad arhanizacyi roznych spartyŭnych i inšych mierapryjemstvaŭ.Vialikija dyvidendy ŭ źjavilisia davoli chutka Noos, adnak, pajšli jany nie na raźvićcio sportu, a naŭprost u kišeniu Urdanharyna. Tak, karaleŭski ziać
atrymaŭ ad administracyi Balearskich vyspaŭ 2,3 miljona jeŭra za arhanizacyju dvuch karotkaterminovych sieminaraŭ, pryśviečanych pytańniam turyzmu i sportu.Zatym jašče 300 tysiač, nibyta, za toje, što spryjaŭ źmienie sponsara miascovaj viełasipiednaj kamandy. Značnaja suma pierapała jamu i za dapamohu ŭ arhanizacyi ŭ horadzie
Atrymanyja srodki tut ža byli pieraviedzienyja na rachunki pryvatnych firmaŭ Urdanharyna. Nu, a ŭ niadbajna składzienaj finansavaj spravazdačnaści havaryłasia, što hrošy išli na apłatu niejkich kansultacyjnych pasłuh zhadanych firmaŭ.Praŭda, ceny za hetyja pasłuhi, niekatoryja ź jakich naohuł nikoli nie akazvalisia, pa dadzienych prakuratury, pieravyšali prykładna na 200% ahulnapryniatyja rascenki.
Firma Urdanharyna «Ajzon», jakaja zajmałasia prodažam nieruchomaści, aprychodavanaj niekalki miljonaŭ jeŭra, jakija pieradała karaleŭskaha ziaciu na raźvićcio sportu administracyja aŭtanomnaj vobłaści Valensija. Jon abiacaŭ arhanizavać u Valensii niejkija spabornictvy jeŭrapiejskaha ŭzroŭniu, jakija tak i nie adbylisia. Urdanharyn taksama atrymaŭ 92 tys. jeŭra nibyta za stvareńnie Kamiteta pa raźvićci sportu na Balearach, choć hety kamitet tak i nie źjaviŭsia.
Usiaho jamu ŭdałosia atrymać tolki ŭ pieryjad z 2003 pa 2007 hod ad dziaržaŭnych i pryvatnych arhanizacyj — bujnych turystyčnych firmaŭ, pramysłovych pradpryjemstvaŭ i haścinic — kala 16 miljonaŭ.
Karol zabaraniŭ Urdanharynu ŭdzielničać u aficyjnych cyrymonijach, na jakich jon prysutničaŭ raniej jak člen karaleŭskaj siamji. Ab spravie Urdanharyna nie tolki štodnia pišuć haziety: jano abmiarkoŭvajecca paŭsiudna — i ŭ arystakratyčnych sałonach, i ŭ kułuarach parłamienta, i na vulicy. Ludzi narakajuć, što karol nie zmoh pryščapić svaim blizkim pačućcio adkaznaści.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary