Pastanovaj Saŭmina № 1728 ad 23 śniežniaAdpaviedny dakumient ministr kultury Pavieł Łatuška ŭručyŭ mastackamu kiraŭniku teatra Alaksandru Jafremavu 27 śniežnia ŭ Minsku.Teatru-studyi kinaakciora prysvojena zvańnie zasłužanaha kalektyvu Respubliki Biełaruś za vysokija dasiahnieńni ŭ teatralnym mastactvie i značny ŭniosak u raźvićcio nacyjanalnaj kultury.
Łatuška nazvaŭ teatr nie tolki ŭnikalnym pa svajoj sutnaści — jon zadumvaŭsia jak ekśpierymientalny prajekt sumiaščeńnia kino i teatralnych žanraŭ, — ale i pa ekanamičnaj efiektyŭnaści. «Praktyčna 60% svajho biudžetu teatr atrymlivaje nie ad dziaržavy, a sa svaich srodkaŭ. Heta — akupnaść praz duchoŭnaść. Ludzi zapaŭniajuć zały — značyć, im sapraŭdy treba toje, što vy robicie», — skazaŭ ministr.
Jon paviedamiŭ, što ŭ jakaści padarunka da Novaha hoda i
U svaju čarhu dyrektar Nacyjanalnaj kinastudyi «Biełaruśfilm» Aleh Silvanovič paabiacaŭ u 2012 hodzie vypuskać maksimalnuju kolkaść filmaŭ z udziełam artystaŭ studyi.
«Spačyvać na łaŭrach času niama, treba ihrać śpiektakl. Spadziajusia, što ŭ nas u hetym zvańni napieradzie budzie bahataja, nasyčanaja, śvietłaja i doŭhaja bijahrafija, — zajaviŭ Alaksandr Jafremaŭ. — My nie budziem ihrać lepš ci horš. My budziem ihrać hetak ža, jak ihrali». Hałoŭnaj vartaściu svajho teatra jon nazvaŭ blizkaść z hledačom va ŭsich sensach, bo pieršy šerah znachodzicca ŭsiaho za krok ad sceny. «My pobač. My razmaŭlajem. Tut nielha chłusić», — padkreśliŭ mastacki kiraŭnik.
Teatr kinaakciora byŭ stvorany ŭ 1980 hodzie z akciorskaha štata kinastudyi «Biełaruśfilm». Paźniej jon papoŭniŭsia vypusknikami Biełaruskaj teatralnaj akademii, Usiesajuznaha dziaržaŭnaha instytut kiniematahrafii (biełaruski nabor) i akciorami inšych teatraŭ. Z 1991 hoda teatr uznačalvaje zasłužany dziejač mastactvaŭ Biełarusi Alaksandr Jafremaŭ.
Kamientary