Пастановай Саўміна № 1728 ад 23 снежняАдпаведны дакумент міністр культуры Павел Латушка ўручыў мастацкаму кіраўніку тэатра Аляксандру Яфрэмаву 27 снежня ў Мінску.Тэатру-студыі кінаакцёра прысвоена званне заслужанага калектыву Рэспублікі Беларусь за высокія дасягненні ў тэатральным мастацтве і значны ўнёсак у развіццё нацыянальнай культуры.
Латушка назваў тэатр не толькі ўнікальным па сваёй сутнасці — ён задумваўся як эксперыментальны праект сумяшчэння кіно і тэатральных жанраў, — але і па эканамічнай эфектыўнасці. «Практычна 60% свайго бюджэту тэатр атрымлівае не ад дзяржавы, а са сваіх сродкаў. Гэта — акупнасць праз духоўнасць. Людзі запаўняюць залы — значыць, ім сапраўды трэба тое, што вы робіце», — сказаў міністр.
Ён паведаміў, што ў якасці падарунка да Новага года і
У сваю чаргу дырэктар Нацыянальнай кінастудыі «Беларусьфільм» Алег Сільвановіч паабяцаў у 2012 годзе выпускаць максімальную колькасць фільмаў з удзелам артыстаў студыі.
«Спачываць на лаўрах часу няма, трэба іграць спектакль. Спадзяюся, што ў нас у гэтым званні наперадзе будзе багатая, насычаная, светлая і доўгая біяграфія, — заявіў Аляксандр Яфрэмаў. — Мы не будзем іграць лепш ці горш. Мы будзем іграць гэтак жа, як ігралі». Галоўнай вартасцю свайго тэатра ён назваў блізкасць з гледачом ва ўсіх сэнсах, бо першы шэраг знаходзіцца ўсяго за крок ад сцэны. «Мы побач. Мы размаўляем. Тут нельга хлусіць», — падкрэсліў мастацкі кіраўнік.
Тэатр кінаакцёра быў створаны ў 1980 годзе з акцёрскага штата кінастудыі «Беларусьфільм». Пазней ён папоўніўся выпускнікамі Беларускай тэатральнай акадэміі, Усесаюзнага дзяржаўнага інстытут кінематаграфіі (беларускі набор) і акцёрамі іншых тэатраў. З 1991 года тэатр узначальвае заслужаны дзеяч мастацтваў Беларусі Аляксандр Яфрэмаў.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна10
Каментары