Dziaržstrukturam ustanoŭlena zadańnie pa źnižeńni spažyvańnia elektraenierhii ŭ 2012 hodzie

U pastanovie Saŭmina № 1777 ad 30 śniežnia 2011 hoda dziaržstrukturam ustanoŭlena zadańnie pa źnižeńni spažyvańnia elektraenierhii ŭ 2012 hodzie, paviedamlaje pres-słužba ŭrada.

Saŭmin pastanaviŭ respublikanskim orhanam dziaržaŭnaha kiravańnia i inšym dziaržaŭnym arhanizacyjam, padparadkavanym uradu, abłvykankamam i Minskamu harvykankamu, davieści da padparadkavanych jurydyčnych asob i haspadarčych tavarystvaŭ, u statutnych fondach jakich akcyi (doli ŭ statutnych fondach), što znachodziacca va ŭłasnaści Biełarusi abo administracyjna-terytaryjalnaj adzinki, składajuć bolš za 50% i jakija adnosiacca da apracoŭčaj pramysłovaści z hadavym spažyvańniem enierharesursaŭ bolš jak 1 tys. t umoŭnaha paliva, zadańni pa źnižeńni spažyvańnia elektryčnaj enierhii i pryrodnaha hazu na vytvorčyja patreby (za vyklučeńniem pryrodnaha hazu, što vykarystoŭvajecca ŭ jakaści syraviny i na vypracoŭku elektryčnaj enierhii ŭłasnymi enierhakrynicami) ŭ 2012 hodzie da ŭzroŭniu 2011 hoda nie mienš jak na 5%.

Abłvykankamy i Minski harvykankam pa ŭzhadnieńni z departamientam pa enierhaefiektyŭnaści Dziaržaŭnaha kamiteta pa standartyzacyi pavinny ŭstanavić dla arhanizacyj žyllova-kamunalnaj haspadarki, majomaść jakich znachodzicca ŭ kamunalnaj ułasnaści i jakija majuć na bałansie kacielnaje abstalavańnie, jakoje pracuje na pryrodnym hazie i miascovych vidach paliva, pamiesiačnyja zadańni pa vykarystańni miascovych vidaŭ paliva z ulikam maksimalna mahčymaj zahruzki adpaviednaha kacielnaha abstalavańnia.

Dla jurydyčnych asob, jakija nie zabiaśpiečyli vykanańnie vyšejukazanych zadańniaŭ, pačynajučy z vynikaŭ pracy za studzień 2012 hoda na spažytyja zvyš abjomaŭ, nieabchodnych dla vykanańnia dadzienych zadańniaŭ, elektryčnuju enierhiju i pryrodny haz užyvajucca pavyšalnyja kaeficyjenty ŭ pamiery nie mienš jak 2 da vyznačanych u adpaviednaści z zakanadaŭstvam taryfaŭ na elektryčnuju enierhiju i koštam na pryrodny haz, jaki vyznačajecca Ministerstvam ekanomiki pa ŭzhadnieńni ź Ministerstvam enierhietyki.

Dziaržaŭny kamitet pa standartyzacyi pa ŭzhadnieńni ź Ministerstvam enierhietyki pavinien vyznačyć paradak raźliku abjomaŭ elektryčnaj enierhii i pryrodnaha hazu, nieabchodnych dla vykanańnia ŭkazanych zadańniaŭ, abjomaŭ elektryčnaj enierhii i pryrodnaha hazu, što apłačvajucca z užyvańniem pavyšalnych kaeficyjentaŭ.

Jurydyčnyja asoby ŭ vyklučnych vypadkach pry roście abjomaŭ pramysłovaj pradukcyi (rabot, pasłuh) i vykanańni mierapryjemstvaŭ prahramy enierhaźbieražeńnia na 2012 hod majuć prava padać chadajnictva ab nieprymianieńni da ich pavyšalnych kaeficyjentaŭ u paradku, ustanoŭlenym praviłami razhladu chadajnictvaŭ jurydyčnych asob ab nieprymianieńni da ich pavyšalnych kaeficyjentaŭ da taryfaŭ na elektryčnuju enierhiju i cen na pryrodny haz.

Biełaruski ŭrad taksama zaćvierdziŭ praviły razhladu chadajnictvaŭ jurydyčnych asob ab nieprymianieńni da ich pavyšalnych kaeficyjentaŭ da taryfaŭ na elektryčnuju enierhiju i cen na pryrodny haz.

• 0
• 0
• 0
• 0
• 0
• 0
• 0
• 0